Ubushinwa bwerekanye imbaraga zabwo za Gisirikare

Indege z’intambara zazengurutse urubuga rwerekana kugera ku bwigenge bw’u Bushinwa rwiswe Tiananmen Square ruri mu murwa mukuru Beiijng kuri uyu wa Kane mu rwego rwo gufatanya n’ibihugu bicuditse n’u Bushinwa kwishimira ku nshuro ua gatatu ukuntu bwatsinze u Buyapani mu Ntambara ya Kabiri y’Isi.

Ingabo zirwanira mu kirere z’u Bushinwa zerekanye indege ziruka cyane, zifite imbunda zirasa ibisasu biremereye ndetse n’amato ziriya ndege zigwaho mu nyanja.

Ababibonye batangajwe n’ukuntu umwotsi wavaga muri ziriya ndege wari myinshi kandi ufite amabara agaragara cyane bakibaza ukuntu wakozwe kuburyo utanga amabara asa kuriya.

Abasirikare bo mu kirere b’u Bushinwa bavuga ko kugira ngouriya mwotsi use kuriya byasabye ikoranabuhanga ryo hejuru ndetse ngo abapilote babyitoje igihe kirekire.

Bemeza ko ibara ry’umweru rigaragara muri uriya mwotsi ryatewe n’uruvange rw’ibinyabutabire birimo diesel, Kerosene ndetse n’ubuto( amavuta y’ubuto) nk’uko ikinyamakuru Cannews.com.cn cyabyanditse.

Indege zasohoraga umwotsi usa ukwawo!

Abasirikare bagera ku bihumbi bitanu baturutse mu bihugu 18 baherekejwe n’ibifaro Magana atanu bigaragiwe na kajugujugu 200 z’intambara bifatanyije n’ingabo z’u Bushinwa kwizihira umunsi batsindiyehou Buyapani mu ntambara ya kabiri y’Isi ya kabiri.

Abasirikare bakuru b’u Bushinwa bavuga ko berekanye ziriya ntwaro zabo kugira ngo bereka Isi ko amahoro bayabonye bayaharaniye kandi bazakora igishoboka cyose ngo bayarinde guhungabana.

Umukuru w’igihugu cy’u Bushinwa Xi Jinping niwe wari ukuriye uyu mwiyereko kuva yaba umukuru w’igihugu.

Ingabo zishinzwe kururutsa kuriza no kururutsa idarapo nizo zatangije umuhango. Zavuye ahantu hari hateguwe mu buryo busa n’Urukuta Runini rw’u Bushinwa( Chinese Great Wall) zigenda zigana ahari hateguriwe kuzamurirwa idarapo zifite ibyapa byanditsee imyaka guhera 1945 kugeza 2015, hanyuma zirarizamura.

Ku rubuga rwa Tian’anmen aho Mao Zedong wabaye Perezida wa mbere w’u Bushinwa yavugiye ijambo rya mbere nyuma y’ubwigenge no ‘kuvuka k’u Bushinwa bushya’, President Xi, yavuze ijambo ryerekana ko nta kintu u Bushinwa bushyize imbere kurusha amahoro mu migambi yabwo.

Yagize ati: “ Twe Abashinwa dukunda amahoro. Niyo twaba ibihangange gute ntituzigera na rimwe dukoresha imbaraga mu rwego rwo kwigarurira ibindi bihugu. Akababaro twahuye nako ntituzagateza ibindi bihugu na rimwe.”

President Xi yari kumwe na bagenzi be bo mu bindi bihugu bagera kuri 12 ndetse n’Umunyamabanga wa UN, Ban Ki Moon, President Vladimir Putin w’u Burusiya ndetse na President wa Koreya y’epfo Park Geun-hye.

USA n’u Bufaransa bohereje ababahagararira.

Ubu hashize imyaka 84 u Bushinwa bwigobotoye u Buyapani ubwo bwari bwarigaruriye amajyaruguru y’u Bushinwa muri 1931.

Mu myaka 14 yakurikiyeho, u Buyapani ngo bwishe Abashinwa bagera kuri miliyoni 31 barimo abasirikare n’abasivile mu ntambara yarangiranye n’iya kabiri y’Isi muri 1945.

Ubuyapani bwasinye amasezerano yo guhagarika imirwano n’u Bushinwa ku italiki ya 2, Nzeri muri 1945.

Abashinwa bemeza ko intsinzi ku Buyapani yababereye irembo rigana ku majyambere arambye kandi azira gushotorwa cyangwa gushotorana.

Ingabo z’u Bushinwa zari ibihumbi icumi ziyeretse muri uyu muhango kongeraho izindi ibihumbi bitanu z’ibihugu by’inshuti.

Abasirikare barwanye intambara n’u Buyapani ubu bakaba bageze mu zabukuru bari bari muri uriya mwiyerekano.

Uyu muhango wakurikiranywe n’abantu ibihumbi 40 bari aho waberaha ndetse n’abandi barenga za miliyoni babikurikiraniraga kuri TV zabo.

Abasirikare bamaze iminota 70 bari ku karasisi aho berekanye imbunda za kirimbuzi u Bushinwa bukora. Muri izi mbunda kandi harimo izirasa kure cyane zishobora guhanura indege ndetse no gutwika amato y’intambara y’umwanzi.

Ibifaro bikoranye ikorabuhanga rigezweho, ibimodoka bitwara za missiles, ibimodoka bitwara ibyuma bicunga ikirere bigafata za bombe zishobora kugwa ku butaka bw’u Bushinwa, kajugujugu z’impigi( avions chasseurs).

UM– USEKE.RW