Ubunebwe, Kwica gahunda, no kwitetesha nibyo bintu Mani Martin azi kuri Nyamitali
Maniraruta Martin umenyerewe nka Mani Martin na Patrick Nyamitali, ni bamwe mu bahanzi bazwiho ubuhanga cyane mu bijyanye no kuririmba by’umwimerere ‘Live’ muri muzika nyarwanda. Ubunebwe, Kwica gahunda no kwitetesha nibyo bintu Mani Martin azi kuri Patrick Nyamitali cyane.
Mu mwaka 2006 nibwo aba bahanzi bombi bahuriye muri cyber baramenyana nyuma y’aho ngo Mani Martin yari amaze igihe yumva abantu bavuga izina Nyamitali bituma ashaka kumenya uwo ariwe.
Uburyo bahuye, ngo Mani Martin yari aje muri cyber gushaka uko yakoresha intenet. Noneho aganiriza umuntu wakoraga aho amubaza niba azi umuhanzi witwa Patrick Nyamitali.
Muri icyo gihe cyo kubaza uwo muntu wakoraga aho, Patrick Nyamitali yari muri iyo cyber nawe yaje gukoresha internet bityo amaze kumva ko Mani Martin ashaka kumenya uwo ari we, ahita amwibwira bityo baramenyana.
Mu kiganiro na Isango Star Mani Martin yatangaje ko zimwe mu ngeso azi kuri Patrick Nyamitali nk’umuntu bamaranye igihe baziranye ari ukuba yica gahunda, ubunebwe ndetse no guteta.
Ku ruhande rwa Patrick Nyamitali asanga Mani Martin atakabaye yaratangaje ayo amagambo kuko nta kintu na kimwe yari amariye abanyarwanda uretse kumuhesha isura itari nziza.
Mu gitondo cyo kuri uyu wa kabiri mu kiganiro na Umuseke, Patrick Nyamitali yavuze ko Mani Martin ari umuntu mukuru kandi uzi ubwenge gusa ko yatandukiriye.
Ati “Byashoboka ko icyo gihe muri 2006 wenda ariko nari nteye, ariko ashobora kuba yarirengagije ko hashize imyaka hafi 9 ibyo byose avuga byarabaye.
Gusa sinzi niba we mu bwana bwe atarigeze akora amakosa cyangwa se ngo abe yakwica gahunda ndetse n’ubwo butesi avuga.
Icyo navuga ni uko nta muntu unzi nitwa Patrick Nyamitali nshobora kuba kuba nariciye gahunda cyangwa ngo mbe naramweretse ubwo bunebwe buvugwa.
Maze gukorana n’abantu benshi batandukanye muri gahunda nyinshi, sindumva umuntu wamvuzeho ubunebwe cyangwa kwica gahunda”.
Patrick Nyamitali akomeza avuga ko umwaka wa 2015 ari umwe mu mwaka ashaka kwerekana uwo ariwe ndetse n’ubumenyi afite kuri muzika.
Joel Rutaganda
UM– USEKE.RW
English
18 Comments
Who cares? Muve mu manjwa disi we. Diamond yababwiye ko mutazi icyo mukora muravugishwa…
ese mani martin kwavuga ibya nyamitari yabanje akareba ibye nawe ko bitamworoheye mbere yo gukura agatotsi kari mu jisho rya mugenzi wawe jya ubanza uvane umugogo uri muryawe !!!!
Ese mani martin,wowe utari umunebwe,ufite iki?kuburyo wakwiha nyamitari
Nta waseka undi muri mwese ngirwabahanzi nyarwanda.
Namwe mart mwamwihaye
UMVA MAN M.uzasabe nyamitali imbabazi nta mugabo wo kwicara ngo asebye undi ibyo biba mu bagore
Erega utazi niwe useka undi ,Abo bose ni bamwe ;aho kureba ibye bitagenda neza ahubwo arareba ibyabandi nabyo bitagenda neza .Man M =Nyamitari
Capati Amandazi = ifarini
haaaa uyu Man M se sumwe wa riye kirida aho kugura inkoko yo kurya none atangiye kuvuga
hahah Martin agomba kumenya ko ukuri kose atari ngombwa kukuvuga niyo yaba abizi kuri mugenzi we sibyari ngombwa kubivuga mu itangazamakuru kuko aribyo nawe ntakidasanzwe yagezeho(Gusa NYAMITARI byo agaragara nkumutesi Martin ntiyabeshye)
Kuvugankuko jewe sindabishigikiye ntammuhungu. Yotetana.
Jye ntabwo mbona iyi nkuru yuzuye ari nayo mpamvu M M mwamwihaye. Umunyamakuru wayinditse naduhe amakuru arambuye impamvu MM yavuze gutya tubone kumwiha cg dushigikire ikgitekerezo cye
Ariko disi,abanyarwanda twanga kumva ukuri,ngo twikosore ahubwo usanga twihagazeho cyane nimijinya myinshi,nibarukuri niyikosore,mani Martin nawe nihagira umunenga azikosora!naho ibyokumuvuga mwitangazamakuru ntakosa kuko nicyo kuba star bivuga.!!
Ariko nanjye numvaga kuba yarabivuze ashobora kuba yari abajijwe uko azi Nyamitari akaba yarasubije honestly keretse niba Mani Martin yarishyanukije ntawe umubabaza.
Umunyamakuru navane abantu mu gihirahiro yandike neza inkuru ye aduhe kuva mu rujijo
Mwese muruta Kibwa Rudomoro, kuko we ni fake cyane. Ubwo rero nimureke parapara.
ntimufate ibintu uko bitari nshuti!ibi man martin yabivuze murwenya rwinshi kdi na nyamitari bari barikumwe muri studio!sinumva rero ikibashishikaje dore ko mukunda byacitse!nta kibazo rwose biganiriraga basererezanya bisanzwe.
ndabakunda bahungu beza!Martin&Nyamitari.
@ JOJO ; dore rero mubikora ngo muvugwe reka tuge tubiha mwabaswa mwe.
Ubuse aho guhanga ibintu bizima ngo mutere imbere nkuko Sir Art. Diamond yabaneguye murimo muratega abanyamakuru nabo bazubaye ngo muvuge ubusa nkubu !!!
Mwabuze imikoro
Ikibazo kiri kuri M Martin wasubije ibyo umunyamakuru amubajije?cga ikibazo kiri kumunyamakuru watangaje ibyavuzwe aho bitaringombwa,gusa c’est pas grave ntakidasanzwe hano pe
Comments are closed.