Ububiligi bwahagaritse miliyoni 11€ y’inkunga kuri Uganda

Minisitiri w’Ububiligi ushinzwe ubufatanye mpuzamahanga  n’iterambere, Alexander De Croo ejo yabwiye iyatangaje ko igihugu cye gihagaritse inkunga y’amafaranga miliyoni 11 z’ama Euro cyahaga Uganda mu rwego rwo kuyitera inkunga mu  nzego z’ubuzima.

Iki cyemezo Ububiligi bugifashe nyuma y’uko Uganda ifashe umwanzuro wo kohereza abakozi bagera kuri 300 mu birwa bya Trinidad na Tobago kugira ngo biyongerere ubumenyi n’ubushobozi mu gucukura ibikomoka kuri Peteroli.

Nubwo Minisitiri De Croo atatangaje impamvu yabateye gufata uriya mwanzuro, hari amakuru avuga ko byatewe n’uko aho kugira ngo amafaranga ashyizwe mu kuzamura urwego rw’ubuzima,Leta yahisemo kuyashyira cyane mu gucukura ibikomoka kuri Peteroli kandi abaturage babayeho nabi.

Bivugwa ko kuva muri 2009 kugeza muri 2016, Ububiligi buzaba byarateye  inkunga Uganda ingana na miliyoni 128 z’ama Euro, muri yo agera kuri miliyoni 16 z’ama Euro kaba yarateganyirijwe urwego rw’ubuzima, rufatwa nka rumwe mu nzego zidakora neza muri Uganda.

Nk’uko Alexander De Cree abivuga ngo muri Uganda, umuganga umwe uri ku rwego rwa Dogiteri agomba kwita ku baturage ibihumbi 15, mu gihe Umuryango mpuzamahanga witwa ku buzima OMS wemeza ko umuganga umwe agomba kwita byibura ku bantu 1500.

UM– USEKE.RW