Turikumwe Family yibutse abishwe muri Genoside bangirijwe imyanya ndangamyorokere
Umuryango w’abakobwa bacitse ku icumu rya Genoside yakorerwe abatutsi bize muri FAWE Girls School bibumbiye mu muryango TURIKUMWE Family, bibutse abatutsi b’igitsinagore bishwe bangirijwe imyanya ndangamyorokere ku rwibutso rwa Genoside ku Gisozi ndetse banasura abana b’imfubyi bibana mu murenge wa Kinyinya.
“N’ikintu cyiza cyane kwibuka, kuzirikana, guha agaciro n’icyubahiro abari n’abategarugori bazize Genocide yakorewe abatutsi mu 1994” Ibi ni bimwe mu byatangajwe na Minisitiri w’uburinganire n’iterambere w’umuryango INYUMBA Aloysia kuri iki cyumweru tariki 27/5/2012 mu murenge wa kinyinya mu gikorwa cyo kwibuka abazize Genocide yakorewe abatutsi by’umwihariko abari n’abategarugori bishwe bangijwe imyanya ngenga myororokere.
Umuryango Turikumwe Family wagize uti: ” Urupfu rwagashinyaguro ababyeyi bacu , bakuru bacu, na barumuna bacu bishwe bangijwe imyanya ngenga myororokere bikaba ariyo mpamvu dufite inshingano zo kubibuka no kubasubiza icyubahiro n’agaciro bakwiye by’umwihariko uko bapfuye urupfu rwihariye tukabazirikana ndetse tugaharanira ko bitazongera kubaho ukundi mu gihugu cyacu ndetse n’ahandi”.
Coordinator wa Turikumwe Family NKUSI Brenda mu ijambo rye yavuze ko ingufu n’ubwitange bwa buri wese Turikumwe Family ntiyabyifasha hatabayeho uruhare rwa buri wese ushingiye ko ibyabaye bitazongera kandi ko bitazibagirana. Yakomeje agira ati: “Turasaba inzego za leta abikorera ku giti cyabo, itangazamakuru kubigiramo uruhare Turikumwe family tubijeje gutanga umusanzu mu bumwe n’ubwiyunge bw’abanyarwanda”.
Benita akaba ari nawe washinze uyu muryango ati: “Turebe imbere heza, dukwiye guhagarara tukerekana ko dushoboye, tugakora cyane kandi.”
Muri uyu muhango hagiye hatangwa ubuhamya butandukanye abagize umuryango Turikumwe babashije kwiha icyizere, umunyeshuri Ariane MUKESHIMANA wavuze mu izina ry’abanyamuryango ba Turikumwe biga muri kaminuza yavuze ko yanyuze mu buzima bukomeye mu gihe cya jenoside ndetse jenoside irangira.
Ariane arakomeje avuga ko ubuzima bumeze nk’inzira umuntu agendamo ari wenyine, muri iyo nzira buri wese agomba kugira icyerekezo cye ashishikariza bagenzi be kugira icyerekezo kugirango bakomeze baharaniwe kubaho neza. Yakomeje agira ati: “Icyo umuntu ashatse kugeraho, akigeraho kuko byose birashoboka, iyo wiga ugomba kwiga nk’umuntu ufite ababyeyi kuko umurimo wose uherekejeho amaboko Imana iragufasha.”
Umuryango Turikumwe Family watanze inkunga zitandukanye zirimo amabase, amaje
Iyi kunga yari yari ifite agaciro kangana n’amafaranga y’u rwanda miliyoni ebyiri n’ibihumbi magana atanu(2,500,000) bakaba bafashije imiryango igera ku 131.
Turikumwe Family ni umuryango w’urubyiruko rw’abakobwa barokotse jenoside barangije amashuri yisumbuye mu ishuri rikuru FAWE Girls School biga muri kaminuza zitandukanye, haba mu Rwanda ndetse no hanze, abandi bakirangiza amashuri y’isumbuye , abarangije kaminuza ndetse n’abubatse hari n’abandi batagize ubushobozi bwo gukomeza kwiga kaminuza.
Uyu muryango ugizwe n’abanyamuryango ijana na mirongo itanu, intego zawo ni: Kwibuka, Kurerana, Kurwanya no Guhangana n’ingaruka za jenoside.
Daddy SADIKI RUBANGURA
UM– USEKE.COM
0 Comment
Umbwo nubutwari FAWE Girls yakoze?
natwe tubarinyuma dukomeze twigire kumateka
yibyashize twubaka Ejo haza
ICYI GIKORWA NIZA ARIKO
UBUTAHA TUJYE TUBAFASHA KWIHANGIRA IMIRIMO, IBATEZA IMBERE.KUKO BIRIYA
BIRASAZA.
IMANA IZABIBUKIRA IMIRIMO MYIZA MUKORA .
Urakoze cyane.
May God bless you.
kiriya gikorwa nikiza cyane, IMANA Ijyihora hafi yabantu batekereza batya.uru nurugero rwiza rwatanzwe nabana babakobwa byongeye bakiri bato!! may GOD bless all of you. i love you.
Comments are closed.