Tom Close yabatirishije umukobwa we

CHIEF EDITOR
12/25/2015

Ella na nyina mu rusengero agiye kubatizwa

Mu gitaramo cya Noheli cyo kuwa 24 Ukuboza muri Cathedrale St Etienne ya Eglise Episcopal au Rwanda mu Biryogo niho umukobwa w’imfura w’umuhanzi Tom Close n’umugore we Niyonshuti Tricia yabatirijwe.

Inshuti n'abavandimwe baherekeje Tom Close kubatirisha umwana we — Inshuti n’abavandimwe baherekeje Tom Close kubatirisha umwana we

Uyu mwana yabatijwe Ella Ineza, imbere y’imiryango n’inshuti z’uru rugo rwa Tom na Tricia.

Mu muhango wo kubatiza uyu mwana hagaragaye kandi umuhanzi Knowless Butera, ukoririmbana na Tom Close mu nzu ya muzika ya Kina Music.

Ella Ineza yavutse tariki 16 Kanama 2014 akaba abatijwe afite umwaka urengaho amezi ane.

Tom Close yamenyekanye cyane muri muzika kuva ahagana 2007 ndetse aza no kuba uwa mbere mu 2011 wegukanye irushanwa rya PGGSS rihuza ibyamamare muri muzika y’u Rwanda.

Uyu muhanzi yamenyekanye kubera indirimbo nka “Si beza”, “Sinari nkuzi” ft The Ben, “Baza” ft Farious n’izindi yagiye akora nyuma nka “Ndacyagukunda” na “Zero Distance” aherutse gukorana na Eddy Kenzo wo muri Uganda.

Usibye kuba umunyamuzika, ubusanzwe akaba yarize ubuganga muri Kaminuza y’u Rwanda i Butare.

Abashumba mu itorero mu muhango wo kubatiza Ella Ineza

Tom Close n'umugore we n'umwana wabo mu rusengero — Tom Close n’umugore we n’umwana wabo mu rusengero

Knowless bakorera mu nzu imwe ya muzika ari mu baje mu rusengero kwifatanya nabo

Ella na nyina mu rusengero agiye kubatizwa — Ella na nyina mu rusengero

Joel Rutaganda
UM– USEKE.RW

10 Comments

radio rubavu says:
12/25/2015 at 11:37

ubuse inkuru irimo niyihe koko,uzi ababatijwe kuri Noheri uko bangana….

J. Caude says:
12/25/2015 at 16:15

uruhinja rwambara agatimba akambaye kare .

Ndengeye jean Paul says:
12/25/2015 at 16:46

Ibi n’ibigaragaza ku bura icyo ukora. Nta nkuru mbona aha ngaha!

ninja says:
12/25/2015 at 19:24

iyinkuru ntagahunda ntabwo ruriya ruhinja ruruta izindi

Ruto says:
12/26/2015 at 07:13

ITANGAZA MAKURU RIRI PRIMATURE VRAIMENT ……..!!!!!!!!!!

james says:
12/26/2015 at 10:37

ariko mwagiye mureka ishyari, ubu se iyo bandika ngo kanye west na Kim babatirishije umwanda haruwarikuvuga!!!??
muzagemubanza mukunde ibyanyu