The Ben yashimishijwe no kubona amashusho y’umuvandimwe we Green P

Mugisha Gisa Benjamin uzwi muri muzika nka The Ben akaba n’umwe mu bahanzi bagize uruhare rukomeye mu kuzamura  muzika nyarwanda bitewe n’uburyo aririmba, abinyujije ku rubuga rwe nkoranyambaga rwa facebook yanditseho amagambo ashimira umuvandimwe we Green P ku mashusho y’indirimbo ye yashyize hanze.

The Ben ubu ubarizwa muri Leta Zunze Ubumwe z’Amerika ni umwe mu bahanzi nyarwanda bazi kuririmba by’umwimerere ‘live’,mu muryango wabo afitte abavandimwe na bo bafite impano yo kuririmba aribo, Green P ndetse na Dan Scotty.

Ku rubuga rwe rwa facebook akimara kubona amashusho y’indirimbo ya Green P yise ‘Bingana iki?’ afatanyije na Bruce Melodie, yagize ati “My True Blood.. Doing some great things!..Greennn P all the ways!!!!!!”.

Mu minsi ishize The Ben yakoze igitaramo muri Leta Zunze Ubumwe z’Amerika aririmba zimwe mu ndirimbo ze za kunzwe cyane mu Rwanda harimo ‘Wigenda’ ashimisha benshi bari baje muri icyo gitaramo ubwo yayiririmbaga ‘Live’ ndetse agahindura n’injyana yari isanzwe ikozemo.

Reba amashusho y’indirimbo ‘Bingana iki?’ ya Green P.

Reba The Ben aririmba ‘Wigenda’ muri USA.

Joel Rutaganda
ububiko.umusekehost.com