Stromae agiye kuza mu Rwanda bidasubirwaho

Joel Rutaganda
09/25/2015

Stromae agiye kuza mu Rwanda bwa mbere

Paul Van Haver umuhanzi w’Umubiligi ufite inkomoko mu Rwanda wamenyekanye cyane nka Stromae muri muzika ku isi, agiye kuza mu Rwanda bidasubirwaho nkuko yabinyujije ku rubuga rwe rwa facebook.

Muri Kamena 2015 nibwo byari bitagenyijwe ko uyu muhanzi yagombaga kuva muri Repubulika Iharanira Demokarasi ya Congo aho yagombaga gukorera igitaramo agakomereza mu Rwanda, biza kwanga kubera ikibazo cy’uburwayi yagise agira.

Kuri ubu abinyujije ku rubuga rwe rwa facebook yatangaje ko ku itariki ya 10 Ukwakira 2015 azaba ari muri Congo naho ku ya 17 Ukwakira 2015 akazakorera igitaramo i Kigali kizabera muri stade ya Kaminuza yigenga ya Kigali ku Gisozi ‘ULK’.

Uretse kuba Stromae yabinyujije ku rubuga rwe rwa facebook, Judo Kanobana umuyobozi wa Positive Production ari nayo irimo gutegura iki gitaramo avuga ko iyo nkuru ari impamo.

Mu kiganiro na Umuseke, Judo Kanobana yagize ati “Abanyarwanda bishoboka ko bari barakariye Stromae kuba ataraje mu gitaramo yari yitezwemo cyane mu Rwanda.

Ariko ndabasezeranya ko kugeza ubu Stromae nawe yiteguye gukora ibishoboka byose agakuraho icyo kintu gishobora kuba kiri mu mitima y’abanyarwanda uko ashoboye kose.

Ahubwo mu minsi mike turaza kubagezaho uburyo bwo kuzaguramo amatike yo kwinjira muri icyo gitaramo kuko bishobora kuzagorana kuyigurira ku muryango”.

Bizaba ari ku nshuro ya mbere Stromae azaba aje gutaramira mu Rwanda nyuma y’aho Se umubyara azize Jenoside yakorewe Abatutsi mu 1994.

Joel Rutaganda

UM– USEKE.RW

8 Comments

Muhima says:
09/25/2015 at 09:35

Nashaka azaze cg arorere

angelique says:
09/25/2015 at 10:00

Muhima weee mbega umutima mubi ugaragaje, arakaza neza murwamubyaye, ni karibu kribu weeee, turamushaka cyane mu rwa Gasabo uwo mwana w’u Rwanda

ALINE says:
09/25/2015 at 11:13

WELCOM YOUR COUNTRY
- sales says:
  09/25/2015 at 12:19
  
  ahahahaha jya wivugira ikinyarwanda nicyo ushoboye. Ubwo uzi ibyo uvuze icyo bisobanuye?? ndizera ko atari typo error wakoze naho ubundiiiiii
- AKAZARAMA says:
  09/26/2015 at 06:57
  
  welcome to your father’s country

Munyarwanda says:
09/25/2015 at 18:55

Hahaha Aline na Sales mwisetsaaaa

mami says:
09/26/2015 at 06:08

ULK haba ari hato cyane, abafana be ni benshi cyane abana.

PATRICK NISHYIREMBERE says:
09/30/2015 at 09:04

Nonese @ Mami uragira azagikorere he handi? Kdi stade Amahoro irimo iratunganywa ntakundi nyine niwe wanze kuza kare hakiboneka kdi ntanigishya azaba azanye rwose singombwa kubishidukira.

Comments are closed.

Share this:

8 Comments