Sssshhhuuu….Kimwe nawe nazo zikunda umutuzo…Tujyane kuzireba

Ange Eric Hatangimana
06/04/2015

Ingagi ikoresha amaboko yayo yose

Kimwe nawe, nubwo waba uri ‘umusazi’ gute ugeraho ugashaka gutuza, ingagi nazo ni inyamaswa zifite byinshi cyane zihuriyeho n’abantu. Izo mu misozi zisigaye ku isi ziba mu birunga by’u Rwanda, zikanagendagenda muri Congo na Uganda nta ndangamuntu kuko ibidukikije bitagira umupaka. Izi nyamaswa ‘nsabantu’ ubu ziri mu byinjiza amadevize menshi mu gihugu, kubera amatsiko ya ba mukerarugendo bava i kantarange baje kuzisura, aya matsiko nawe ukwiye kuyagira kuko umunyarwanda yoroherejwe kuzisura…reka tukujyane kuzisura ho gato cyane.

Turi mu muhanda twerekeza mu birunga, iyo ni Sabyinyo ibuditseho ibihu — Hakurya ni mu Birunga, niho mu buturo bwazo, niho iwazo

Bike ku mateka yazo:

Ingagi zari zisanzwe zizwi n’abantu ba cyera cyane bari baturiye ibirunga ariko mu buryo bw’ubushakashatsi, Umudage Cap.Van Robert Belingie ni we wazikozeho ubushakashatsi bwa mbere ahagana mu 1902, icyo gihe yishe ebyiri ajya kuzikoraho ubushakashatsi, ni yo mpamvu izi ngagi zafashe izina rye ‘Belingie’.

Umunyamerikakazi Diana Fossey we yatangije ibikorwa by’ubushakashatsi bwimbitse, kuzimenyekanisha no gukangurira abantu kuza kuzisura, mu mwaka wa 1970 hatangira ibyo gusura ingagi umuntu atanze amafaranga.

Tujye kuzisura rero….

Aba ‘guide’ babanza kukubwira ko ingagi zisurwa mu matsinda yazo kugira ngo hirindwe ko zanduzwa indwara. Amatsinda yazo kandi asirwa rimwe gusa ku munsi. Abazisura nabo bagenda mu matsinda y’abantu umunani.

Zikunda ubuzima butuje, zanga cyane uwazisagarira kuko umuntu ntazirusha intege niwe wabihomberamo, niyo mpamvu buri wese asaba kugenda aganira buhoro ndetse rwose mwazigera iruhande mugaceceka.

Amabwiriza bakiyababwira umuntu aba yiyumvamo uruvange rw’amatsiko menshi, ubwoba, igihunga, ubwuzu n’igishyika…imvamutima umuntu atasobanura neza.

Ingagi ziritonda, nta muntu ziragirira nabi, abazishinzwe bo babaye inshuti nazo, ndetse nawe mukerarugendo iyo ije igusanga uhama hamwe ukirinda ubwoba, ishobora kuza ikagukoraho ikwereka urukundo, kwiruka ije igusanga kirazira.

Abazishinzwe hari uburyo bavugana nazo mu rurimi rudasobanutse rw’amarenga cyane, icyo gihe ushaka guseka aca bugufi, nazo ngo zibona ko mwazubashye.

Ntiwemerewe kuziha icyo kurya, kandi ntiwemerewe kurenga 7m uyegera, cyereka yo ija igusanga, zibayeho mu buzima buri ‘pure’ zishobora kwandura indwara mu buryo bworoshye niyo mpamvu bitemewe ku waziha ikintu cyawe, icyo kurya cg umwambaro.

Izo mu birunga, ziri mu miryango 10; Sabyinyo, Agashya, Hirwa, Umubano, Kwitonda, Kuryama, Titus, Isabukuru, Ugenda na Ntambara.

Uyu muryango wa Ntambara ubu uyoborwa n’iyitwa Gutsinda ni wo mu itsinda ryacu tukujyanye gusuura.

Ingagi zisimbura mu kuyobora umuryango igihe umukuru w’umuryango yapfuye, kandi himikwa ikigabo gikurikiraho mu myaka. Icyo kigabo ni cyo kiba cyemerewe abagore.

Ingagi z’ibigabo iyo zikuze mu muryango zishobora guhitamo kugumana na se uyobora umuryango zikazamusimbura, cyangwa zikajya mu yindi miryango.

Ingagi z’ibigore, ntizikunda kubyarana n’izo bivukana (bisaza byazo), bityo iyo zimaze imyaka hagati y’6-8 (zishobora kubyara) zitoroka umuryango zikajya gushaka mu yindi miryango, icyo gihe ziba zitinya kuzabyarana na se cyangwa musaza wazo, bikaba nk’amahano kuri zo.

Umwe mu bashinzwe kuyobora abakerarugendo, Iryamukuru Bosco avuga ko ingagi zishobora kubengukana hagati yazo cyangwa zikabengana.

Muri rusange ingagi ziri muri aka karere k’ibirunga ni ukuvuga mu bihugu bitatu, muri Uganda haba 400, mu Rwanda na Congo Kinshasa, hakaba 480, ariko by’umwihariko izikurikiranwa mu Rwanda ni 300.

Reka tugende….

Urugendo rwo gusura ingagi rubimburirwa no gushyirwa mu matsinda y'abantu umunani, ndetse mugahabwa amasomo y'uko muza kwitwara — Umuguide abanza gushyira abantu m matsinda, akabaganiriza ku gikorwa bagiyemo

Kuri uru rukuta muruhuka gato bababwira uko mugiye kwitwara kugira ngo mu dakora ibishobora guhungabanya ingagi — Iyo mugeze kuri uru rukuta rw’amabuye rukumira inyamaswa ziva muri Pariki ziza konera abaturage, aba guide bongera kubibutsa amabwiriza ngo mudakora icyahungabanya ingagi, rimwe na rimwe mushobora guhita muzisanga aha hafi aho ziba zaje kwirira imigano

Mani Martin na we yari afite amatsiko menshi cyane yo kubona ingagi, dore ko noneho kuzigeramo byoroshye kuruta kurira ikirunga — Urugendo rugana ku ngangi ntabwo rusaba kuzamuka ibirunga cyane, ziba ziri bugufi, agakoni mu rugendo karafasha cyane

Umunyamakuru ukomoka muri Cote d'Ivoire na camera ye afite intego yo kubona ingagi akereka ab'iwabo — Inzira zerekezayo ariko si nk’izijya iwawe, si nziza na busa, gusa ziryoheye kumara amatsiko. Uyu ni umunyamakuru wo muri Cote d’Ivoire waje ngo azajye kwereka ab’iwabo ingagi z’i Rwanda

Nyuma y'umwanya mutoya tugenda tugeze aho duhura n'abashinzwe gukurikirana ingagi, batubwira ko ziri hafi, ni amahirwe cyane, duhita dusiga inkoni aho — Nyuma y’akanya gato mu rugendo ruzamuka, uhura n’abazikurikirana bamenya aho ziri, batubwiye ko tuzigeze hafi, inkoni muhita muzisiga aho nyine

Aho tugeze dutangiye kubona udusimba, iyo ni inkende nziza cyane iduherekeje mu rugendo turimo rwo gusura ingagi — Aka kanyamaswa kameze nk’icyondi kakomeje kuduherekeza kuva twatangira kuzamuka mu ishyamba

Ingagi iba irya kino cyatsi ishishikaye — Ingagi ya mbere duhingukiyeho iri ku meza, iravunagura itamira izi ‘mboga’ zayo ni ibyatsi by’amahwa mato bimeze nk’ibitovu ariko bifite uduti iba isa n’inyunyuza. Ni ibisura

Ingagi ikoresha amaboko yayo yose — Urayireba ubwuzu bukakwica ku mutima uti “Bon apetit’

Ingagi irya gatatu ku munsi nk'umuntu, mu gitondo, saa sita na nimugoroba ubundi ikaruhuka ikazabyuka hakeye saa kumi n'ebyiri — Ingagi irya gatatu ku munsi nk’umuntu, mu gitondo, saa sita na nimugoroba ubundi ikaruhuka ikazabyuka hakeye saa kumi n’ebyiri

Ingagi zo mu muryango umwe ntizijya zisigana, imwe cyangwa ebyiri zishobora kurisha hirya y'izindi ariko zaruhuka zikajya hamwe — Ingagi zo mu muryango umwe ntizijya zisigana, imwe cyangwa ebyiri zishobora kurisha hirya gato y’izindi ariko zaruhuka zikajya hamwe. Umwana we ahora hafi ya nyina

Iki cyatsi kiri mu bwoko bw'igisura, ingagi ziragikunda iyo zifite inyota kuko kigira amazi menshi — Iki cyatsi kiri mu bwoko bw’igisura ingagi ziragikunda, cyane iyo zifite inyota kuko kigira amazi menshi

Uyu ni we mukuru w'Umuryango yitwa Gutsinda ifite imyaka 26 — Yitwa Gutsinda afite imyaka 26, niwe mukuru w’umuryango twasuye, nawe ari ku meza arahuze nubwo anyuzamo akatureba nta mususu

Utwana dutoya tuba turi iruhande ya Papa ni bwo twumva ko dufite umutekano uhagije — Utwana duto tuba turi iruhande rwa se ni bwo twumva ko dufite umutekano uhagije

Ingagi y'ingabo uyibwirwa n'iryo bara rijya kuba umweru mu mugongo kandi iba ari nini cyane — Ingagi y’ingabo kandi y’imbaraga uyibwirwa n’umugongo w’ibara ryerurutse, abazungu bakunze kuzita ‘Silver-backs’

Ku bw'amahirwe mbashije kubona mu maso y'Umukuru w'Umuryango wa Ntambara yitwa Gutsinda — Itegereze mu maso y’a Gutsinda, Umukuru w’Umuryango wa Ntambara, ni mukuru rwose.

Umukuru w'Umuryango mu byubahiro bye arimo ararya anareba umutekano w'umuryango — Umukuru w’Umuryango mu byubahiro bye , ari kumeza arafungura anacungira hafi umutekano w’umuryango we

Iyi ni imwe muri za ngagi yitwa Isange, ifite umutuzo udasanzwe kuko ibona umukuru w'umuryango hafi — Uyu ni umwe mu mwana mu muryango, yitwa Isange, aratuje cyane kuko se Gutsinda ari hafi, asa n’utangariye cyane kubona abakerarugendo

Iyi ngagi y'uburanga buhebuje irarisha ibyatsi yageraho ikaruhuka ikanareba abantu baje kuyisura — Iyi ngagi y’uburanga iragira itya ikaduhindukirira ikamera nk’ishaka guseka

Iyi ngagi yiyicariye ku ibuye wagira ngo ni umuntu — Mu gihe cyo kuruhuka, iba yihugenza (iri ‘busy’) mu tuntu utamenya

Umugano ugira umutobe w'akataraboneka ku buryo ingagi zihora zasinze umunezero — Umugano ugira umutobe udasanzwe, bivugwa ko iyo zawunyoye cyane zinasinda zikizihirwa

Mu muryango wa Ntambara harimo n'utwana dutoya cyane nk'aka kari mu mugongo wa nyina — Mu muryango wa Ntambara harimo n’utwana duto cyane nk’aka kari mu mugongo wa nyina

Nta bwoba zifite kandi nta nubwo zisagararira abantu ziriturije zirya kuko ni mu masaha ya saa sita z'amanywa — Ubu ni mu masaha ya saa sita ziri ku meza

Iyi ngagi ikiri ikiri ingaragu iratuje irya icyatsi gikungahaye ku mazi menshi nta bwoba ifite bw'abantu — Neza kimwe nawe ifite intoki eshanu, iyi ni ingarugu y’insoresore, mu gihe gito kiri imbere iraba ikeneye kurongora no kuyobora umuryango

Biratangaje uburyo ingagi zo mu Rwanda zakira abazisura, mu bwitonzi n'ikinyabupfura — Mu bwitonzi n’ikinyabupfura ziratuza abazisura bakitegereza

Uretse kuba ingagi isa n'umuntu, intoki n'ibirenge byayo bimeze neza nk'iby'umuntu — Hanyuma ikagira itya ikakwereka mu bworo bw’ikirenge nk’icy’umuntu ikikomereza

Aba bana b'ingagi ni inkurikirane imwe yitwa Ingamiya indi yitwa Isange intoya igiye gusaba mukuru wayo ibyo kurya iyibonanye — Aba bana b’ingagi ni inkurikirane imwe yitwa Ingamiya indi yitwa Isange nyuma yo kurya zirakina, uyu nawe arazifotora kuko zamwegereye

Hagati yazo ingagi nkuru imenye ko iyikurikira arintoya ziba nk'izikozanyaho iminwa, maze zisangira ibyo inkuru yari ifite — Muri uko gukina, inkuru hari ibyatsi iba yakacanze byorohereye maze igaha murumuna wayo ikoresheje umunwa

Aha yari idusabye inzira ngo yikomereze gushaka ibyo irya — Aha irakwegereye neza cyane, irasa n’igusaba inzira ngo itambuke, nawe icyo ukora buhoro cyane urayibererekera

Wa munyamakuru wacu wa Africa24 agize amahirwe yo kwifotozanya na Gutsinda — Uyu mugabo wo muri Cote d’Ivoire ifoto ari mu ngagi ngo izaba mu byiza yagize mu buzima

Uwasuye ingagi ntabwo yemerewe kuzegera bya hafi cyane ku bwo kurinda ubuzima bwe n'ubwazo — Umuhanzi Mani Martin (iburyo) n’umunyamakuru Iragena bari imbere gato cyane ya ‘Silver back’, ni ibihe bitangaje kandi bishimishije

Uwasuye ingagi ahabwa urupapuro rubyemeza na RDB — Umunsi waje gusura ingagi kandi ntabwo uzatahira aho

Ahasigaye ni ahawe kwigirayo….

Amafoto/HATANGIMANA/UM– USEKE

HATANGIMANA Ange Eric
UM– USEKE.RW

11 Comments

kaka says:
06/04/2015 at 06:55

nukuri uri umunyamwuga kuko udushakira inkuru zidutera emotion kandi zikanadutera amatsiko menshi cyane nkubu ndumva musanze nyikunze cyane,najyaga mbyumva ntarabibona gutya,byibuzeze wowe wakoze iyi nkuru rwose ukwiye igihembo kuko wakoze ikintu kindashyikirwa ureke abirirwa bandika ibidafite umumaro,ubutaha uzaduhe ishusho y’umujyi wa musanze tuwurebe nawo,gusa ukomeje kutwemeza.komereza aho!!!!!!!!!!!!!!!!!!!!!!!!!!!!!!!!!!!!!!!!!!!!!!!!

manzi says:
06/04/2015 at 07:00

Musanze we genda waratsinze reba ibyiza byose wibitseho Imana yyaragutatse pe.n’umusaza wacu intore izirusha intambwe KAGAME akomeze abibungabunge TUMURI INYUMA

bouc says:
06/04/2015 at 07:00

umaze kuba ubukombe Ange we!

KADO says:
06/04/2015 at 07:07

Uyu munyamakuru akomeje gukundisha abantu u Rwanda kabisa, akwiye igihembo, kubera we nanjye ubu maze kubona izi nkuru zose amaze gukora namaze gufata icyemezo kuza gusura u Rwanda kandi nkagera mu birunga bibereye u Rwanda. Rwose leta yacu nikomeze ibungabunge ibyo byiza bitazazimira

Rwanda nziza says:
06/04/2015 at 08:27

Uri umuntu w’UMUGABO.

munezero says:
06/04/2015 at 09:37

ERIC wakoze cyane kudusangiza ibyiza bitatse u Rwanda,

shema says:
06/04/2015 at 13:26

Rega abanyarwanda dufite ibyiza nyaburanga byinshi nuko twe tutabyitaho ariko igihe kirageze ngo abanyarwanda nabo bitabire gusura ibyiza nyaburanga bitatse u Rwanda

Summer Breeze says:
06/04/2015 at 20:17

umuseke ndabishimiye cyane kuko ndabona RDB yarabakije ikabaha ikiraka namwe mukagikora fresh.hagati aho se mwambwira,Mani Martin yavuye mubuhanzi ajya kwibera mu birunga?

Gakire says:
06/04/2015 at 22:51

Summer breeze or whatever you call yourself, uvuze ubusa , nako urajajwe! Mubyo wasomye niba koko uzi gusoma wigeze ubona mo ko Mani Martin asigaye aba mubirunga? Bakubwiye se ko gusura ingagi bisaba kureka ibyo basanzwe bakora? Ngo bakubarize ko yaretsubuhanzi akajya kwibera mu birunga? ???? Ishyari weeeeeeeee! Kuva ubu ubimenye,ba mukerarugendo ni abantu basanzwe, bakora imirimo inyuranye habamo n’abahanzi nka MANI Martin n’ibyamamare binarenze we! Ntimukitiranye ibintu n’ibyo bitajya no gusa!

KADO says:
06/05/2015 at 09:08

uwo Breeze yaravangiwe

Anna says:
06/06/2015 at 05:10

A part quelques mots et verbes en infinitive je ne parle pas kinyarwnda. Mais le photo album a parle tout seul. Tres bon travail, j’attend la suite sur un autre manifique part du Rwanda, celui du Nyungwe Forest.
Faites tout pour que Gatsinda, le Chef de famille Ntambare a pour long time une vie en paix.

Comments are closed.

Share this:

11 Comments