Somalia: Al Shabab yateye ibirindiro bya AMISOM yica abasirikare ba Kenya barenga 50
Abarwanyi ba Al-Shabab bigambye iki gitero
Kuri uyu wa Gatanu abarwanyi b’umutwe wa Al Shabab bagabye igitero ku birindiro by’ingabo za Kenya mu Majyepfo ya Kenya bicamo abarenga 50. BBC ivuga ko bariya barwanyi bigaruriye intwaro za nyinshi n’ibindi bikoresho.
Ubuyobozi bw’ingabo za Kenya bwo bwemeza ko bwabirijemo biriya bitero kandi ngo abarwanyi ba Al Shabab benshi bahasize ubuzima.
Mu gihe kingana n’umwaka, bariya barwanyi bigeze kugaba ikindi gitero kimeze nk’icyo bagabye kuri uyu wa Gatanu, icyo gihe bakaba baracyigabye ahitwa el-Ade.
Abavugizi ba Al Shabab bo bemeza ko bishe ingabo za Kenya zigera ku 100.
Lt Col Paul Njuguna uvugira ingabo za Kenya ahakana iriya mibare akavuga ko ahubwo aribo bakubise inshuro abarwanyi ba Al Shabab.
Kugeza ubu Kenya ifite ingabo zigera ku 3,600 ziri muri Somalia mu gufasha mu kugarura amahoro.
Jean Pierre NIZEYIMANA
UM– USEKE.RW
English
2 Comments
Ese mwatubwira ibihugu biha al shababu amafaranga ko bihari?
ukekako bayakurahehese atari muri bagashaka buhake batatwifuriza amahoro,ndavuga barutuku
Comments are closed.