Somalia: Aba ‘commandos’ b’igihugu kitazwi bishe abantu 15

Abategetsi muri Leta ya Somalia batangaje ko abarwanyi 15 ba al-Shabab bishwe mu gitero bagabweho n’umutwe w’aba ‘commandos’ mu birindiro by’ahitwa Awdhegle, muri km 50 z’umurwa mukuru Mogadishu.

Abaturage bari babwiye BBC ko bakanguwe n’urusaku rw’amasasu y’imbunda ziremereye, ndetse ngo bumvuse n’urusaku rw’indege za kajugujugu.

Mohamed Aweis, umuyobozi w’ako gace, yabwiye BBC yo mu rurimi rw’IgiSomali ko ibirindiro bine by’umutwe wa al-Shabab byatewe haba imbere n’inyuma, n’abasirikare b’Abazungu.

Abo basirikare batazwi, ngo bageze aho mu gicuku bari mu ndege ebyiri za kajugujugu, izo ndege ngo ni zo zafashije abandi basirikare,  bashobora kuba bari bavuye mu ndege hanze y’umujyi mbere y’uko bagaba igitero.

Aweis yavuze ko intego y’abo basirikare kwari ukugaba igitero ku birindiro bibatu bya al-Shabab biri imbere mu mujyi wa  Awdhegle n’ibindi birindiro biri hanze y’umujyi.

Byatangajwe ko hari abarwanyi ba al-Shabab bafashwe mpiri, ari bazima. Yagize ati “Banajyanye indi mirambo ya bamwe mu barwanyi ba al-Shabab. Navuga ko imibare igenda izamuka, bamaze kuba 15 bishwe.”

BBC

UM– USEKE.RW