Sitade Huye izakira 12000 bicaye

Webmaster Marcel
06/03/2011

Sitade yubakwa i Huye izaba yakira abantu 12 000 bicaye; Mu mugi wa Butare mu karere ka Huye hatangiye imirimo yo kubaka sitadi ahahoze hari sitadi Huye. Sitadi yubakwa n’isosiyeti y’ubwubatsi COTRACO, ikazaba ifite ubushobozi bwo kwakira abafana bicaye 12 000, naho imirimo yo kubaka ikibuga ikazamara amezi agera kuri 4,5.

Ikimashini kirimo gikora ahazashyirwa igitaka kiva muri sitadi(photo umuseke.com)

Sitadi y’i Huye irubakwa ku bufatanye na Minisiteri y’Umuco na Siporo, amasezerano yo kuyubaka ikaba yarayagiranye n’isosiyeti COTRACO nayo ikajya ijyenzurwa n’indi yitwa NG’ANDU CONSULTING LTD.

Ubwo umuseke .con wasuraga ahakorerwa imirimo yo kuvugurura ikibuga cyari gisanzwe, waganiriye n’umwe mu ba injiniyeri (engeneer), ushinzwe kugenzura imirimo yose ihakorerwa, maze atubwira byinshi ku bijyanye na sitadi yubakwa i Huye.

Ku bwe ngo iyi sitadi izaba ari iyakabiri nyuma ya Sitadi Amahoro y’i Remera, ikazaba iruta iy’i Rubavu ku Gisenyi. Ing. J.P IYAKAREMYE ati: “Ni sitade izaba ifite ahantu hane ho guhagarika amamodokari (parkings), eshatu hanze ya sitadi n’imwe VIP imbere.”

Ubwatsi ni bumwe bw’ubukorano (terrain synthétique), ikibuga kikazaba gifite ibipimo byemewe na FIFA, m110/ m75.Ikindi kizaba kiyitandukanya n’iyari i Huye izaba ifite tiribini (tribune), enye zitwikiriye.

Ubusanzwe imirimo yo kubaka ikibuga yagombaga kuzamara amezi 4,5 ariko ngo gishobora kwiyongera kubera umwanya uzongerwaho w’ahuntu (Running Track) abasiganwa ku maguru bazajya bakorera. Ibi bizatuma amafaranga yo kubaka kiriya kibuga yanganaga na miliyoni 600, hiyongeraho miliyoni 120, kujyirango imirimo ibe irangiye.

Indi mirimo yose ijyanye n’iyubakwa ry’iki kibuga umuseke.com ukazajyenda uyibakurikiranira kujyera ubwo izaba yuzuye.

Ahahoze ari mu kibuga cya Sitadi Huye(photo umuseke.com)

Ahakozwe ureba kuruhande ruteganye na Radio Salus (photo umuseke.com)

Ahamaze gusizwa n'amamashini, umuntu arebara ku ruhande rw'ahari urwambariro(photo umuseke.com)

Ibirundo by'igitaka kizifashishwa(photo umuseke.com)

12 Comments

oliver says:
06/03/2011 at 09:00

abanyabutare nyuma yo kubona isoko noneho babonye na stade!?nagashya gusa na RWABAYANGA bazayikore

rwanda says:
06/03/2011 at 09:06

ibi bigaragza ko urwanda rugenda rutera imbere, nyuma yisoko butare ibonye stade,, ibi nibintu byo gushimira leta yubumwe bwabanyarwanda igenda iterea imbere mumajyambere, merci presidant paul kagame, icyindi twakwisabira nkabantu bakunda foot mu rwanda nuko wadukiza jules muri ferwafa kuko yayigize nkakarima ke? muzaba mukoze,,,

sam says:
06/03/2011 at 09:40

Umupira w’amaguru ukomeje gutezwa imbere mu Rwanda. Dushobora kuzongera kuryoherwa na Ruhago, muminsi iri imbere, bitewe n’aho u Rwanda rugana heza.

chaka says:
06/03/2011 at 09:41

mbega byiza!! umugi wa huye wari ugizwe n’inyubako zishaje urimo uratera imbere mu nyubako zigezweho.
- Amabya says:
  06/03/2011 at 11:26
  
  Uretse iza leta izindi ni izihe se?Yeweee uransekeje tu

habineza says:
06/03/2011 at 10:42

iyi stade ndunva izaba igezweho?ndibaza ko mukura noneho izatwereka umupira yahoranye.

Amabya says:
06/03/2011 at 11:14

Ikibuga se ni ikipe babanze bite kukibuga cyabo.
- Amabya says:
  06/03/2011 at 11:15
  
  Nako ikipe

murenzi says:
06/03/2011 at 13:15

turashimira kagame paul watwemereye stade ubwo yiyamamazaga muri manda itangiye burya koko imvugo ye niyo ngiro komera kagame wacu

Diallo says:
06/03/2011 at 15:03

Cong abayobozi cyakora Mukura nayo bayishakire ibisubizo kugirango ijye ishimisha abantu.

rasta man says:
06/04/2011 at 06:25

ee ewana umusaza ibyo avuze biba byo kabisa muzehe wacu uri INTWARI pee komeza ube umuyobozi mu bayobozi twe turakwemera yuzakugwa inyuma KABISA !!!!!!!!!!!!!!!!!!!!

RUDASINGWA Faustin says:
06/06/2011 at 06:41

ndashimira abayobozi bakuru bigihugu uburyo bakomeze kwita kwiterambera bubaka amastade ibibuga ryindege bibinde byishi.

Comments are closed.

Share this:

12 Comments