Sinjya ntsindwa, ndatsinda cyangwa nkiga- Miss Rwanda avuga kuri MissWorld
Kuba Miss Jolly ataregukanye ikamba rya Miss World 2016 hari icyo byamusigiye azasangiza abandi bashobora kuzaryitabira
Kuba Miss Jolly uherutse mu irushanwa rya Miss World 2016 kuba ataratsinze ngo ntibivuga ko ariwe ryari ritegereje akanga kurizana kuko ryari irushanwa rishakwa na benshi. Avuga ko intego nyamukuru yari afite yayigezeho kandi byanamusigiye isomo azasangiza bagenzi be bazamusimbura.
Mutesi Jolly nyampinga w’u Rwanda 2016 wari mu irushanwa rya Miss World 2016 ryegukanywe na Stephanie Del Valle wo muri Puerto Rico, avuga ko kuba u Rwanda rwari ruhagarariwe bwa mbere mu mateka aribyo yarwanaga nabyo ngo yitware neza.
Mu bakobwa 117 bari mu irushanwa kuba u Rwanda rwaragaragaye mu bihugu 24 ku isi byari mu kiciro cyarutaga ibindi cya ‘Beauty with the Purpose’ kuri we ni ibintu yishimiye ndetse yibaza ko n’abazi neza iby’aya marushanwa bishimiye.
Miss Jolly yabwiye Umuseke ati “ Njya kugenda najyanye intego yo gutsinda nk’uko n’abandi bari bayifite. Ariko nti byankundiye buriya amahirwe yanjye yari ariya. Gusa nigiyemo byinshi bizamfasha ndetse bizafasha n’abazankurikira”.
Byinshi yigiye muri Miss World bwa mbere ajyayo, ngo azagerageza ku bisangiza abazamukurikira kugira ngo bazarenge aho yagarukirije.
Avuga ko Miss Rwanda ari irushanwa rimaze kugera ku rwego rwo hejuru agereranije n’ibindi bihugu yagiye aganira n’ababiturutsemo n’abayategura.
Miss Jolly ngo ashimira buri wese wamushyigikiye muri Miss World.
Kagame Ishimwe Dieudonne umuyobozi wa Rwanda Inspiration Back Up wari kumwe na Jolly muri Amerika, avuga ko irushanwa icyo ryabasigiye ari ukuzamura urwego rw’irushanwa rya Miss Rwanda.
Ngo nubwo bategukanye iryo rushanwa bishimira amanota bavanye imbere y’abategura ririya rushanwa n’abandi bari bahari bahagarariye ibihugu byabo ku isi.
Biteganyijwe ko Miss Jolly azagera mu Rwanda ku munsi w’ejo kuwa gatanu saa sita z’amanywa.
Joel Rutaganda
UM– USEKE.RW
English
8 Comments
Ariko mwagiye mwemera ko mwatsinzwe koko nonese wagiye hariya ari ukwiga cg wagiye mumarushanwa nta muntu wigira mumarushanwa ngwino ukomeze wirire umukorogo
Hhhhhhhhhhhhh ndumiwe pe!ntujya utsindwa?Noneho uzanye ikamba akumiro ngo nimvunja koko ,igarukire mukobwa mwiza ntawukugaya kuko uburiye umubyizi mukwe ntako aba atagize ariko emera ko watsinzwe
courage rata ,ntabwo mwese mwati kubona ikamba,kandi uzasangize bagenzi bawe icyo wahungukiye,kuburyo uzahagararira U Rwanda ubutaha azaba azi ibikenewe
Uyu mukobwa azi ubwenge n’ibi bisubizo bye urumva azi ubwenge. Kurushanwa ntube uwambere si ugutsindwa koko kandi experience bigusigira ishobora kukugirira akamaro ahandi cg ukayifashisha n’abandi. Gusa smile ye ubona itari umwimerere cyane n’ubwo ntacyo bitwaye cyane.
Ariko abantu banga Jolly bamuziza iki?burya ngo yatowe muri za kata nibindi nkibyo?aramaze.nonese murumva ari ikosa rye cg ni irya aba judges bari corrupted and money hungry? Ikindi ngo kwitukuza.kuki mubimushinja nkaho yabibemereye.ikindi kandi niba yaranitukuje ubwo nabyo hari icyabimuteye kirimo gusekana kwabanyarwanda no gushyira inzobe hejuru yibikara ngo nizo nziza (bullying).naho uko yavuze ngo ntajya atsindwa ni quote y umuhanga ntibuka izina ivuga ngo “I never loose.i either win or learn” which makes sense.umukobwa wabandi rero ndumva mwamuha amahoro amwe atuje.itangazamakuru naryo ryamuteje abantu,muzamusabe imbabazi
Ni quote ya Nelson Mandela
Ngo amarushanwa y’ubwiza! Ese ko ntajya numva habaho nk’amarushanwa y’abahanga mu gukora ikintu runaka?! Isi yacu kandi yose yaratannye! La beauté se trouve dans les yeux de l’observateur! Ubwiza ntago ari universel. Ibi byose nibituma imisoro izamuka ubuzima bukarushaho kuduhenda no kutugora ngo hatorwe abeza! Njye iby aba miss sinjya numva akamaro kabyo mumbabarire! I would prefer ko amafaranga abigendaho kandi menshi yashorwa mu mishinga ibyara inyungu zindi rusange ku banyagihugu. Naho ubwiza bwo, nta mubi imbere y’umukunda!
inka yanjye ! ntujy utsindwa???!jackson ararengana rero abamwohereje mwishuri twe bakatubeshya ko agiye mu marushanwa rero nibo banyamafuti#anyway kwihagararaho nabyo ningombwa niba utajy utsindwa ubwo ikamba wararyegukanye abagerayo ubwo tuzabona muduha pictures z miss world asesekaye I Rwanda!ntanumenya byose igihe kinini wagifashe mukwitukuza
Comments are closed.