SIDA ngo yaturutse i Kinshasa muri 1920
Mu kinyamakuru kitwa Science, abashakashatsi bemeje ko icyorezo cya SIDA gifite inkomoko mu Mujyi wa Kinshasa muri DRC. Iri tsinda mpuzamahanga ry’abashakashatsi ryemeza ko kubera ubwiyongere bw’abaturage, ubusambanyi ndetse n’urujya n’uruza rw’abantu byatumye SIDA ikwirakwira vuba muri uriya Mujyi ndetse n’ahandi.
Abahanga mubyitwa Viral Archaeology nibo basanze indiri ya SIDA ku isi yaratangiriye muri Congo.
Bafashe ibisigazwa byabitswe byerekana urosobe rw’ibigize Virus ya SIDA (HIV’s genetic code) barabipima, ngo basanga yarakomotse muri Kinshasa mu myaka ya 1920.
Iyi raporo yasohotse muri science yemeza ko imibonano mpuzabitsina idakingiye, gukoresha ibikoresho byo kwa muganga ariko bidasukuye , ndetse n’ubwiyongere bw’abaturage, nibyo ngo byatumye VIH/SIDA ikwirakwira vuba.
Icyo gihe ubwo Congo yari iyobowe n’Ababiligi, gari ya moshi niyo yakoreshwaga cyane mu gutwara ibintu n’abantu bityo bigatuma abanduye bajya mu duce dutandukanye bahagera bakanduza abandi, gutyo gutyo bigakwirakwiza iki cyorezo.
Impuguke zivuga ko ubu bumenyi bushya buzafasha mu kumenya inkomoko nyayo y’iki cyorezo bivugwa ko kugeza muri 2011, abantu barenga miliyoni 34 bari baracyanduye.
Nubwo ngo abahanga baje kuyimenya neza mu myaka ya 1980, kugeza uyu mwaka wa 2014, imaze kwandura abantu miliyoni 75 ku isi hose.
BBC
UM– USEKE.W
English
4 Comments
Genda Congo waragowe! Na SIDA nayo kabisa? Abasenga bakwiye gusengera kiriya gihugu kibarizwamo amabi yose.
Na ebola niho yaturutse. Uwahanaga nka ka atomic bomb ibyo biza byose akabirimbura!
Uwiyise Nate areje gukiba ku buzima bw’abantu. Ese ikimubwira ko iyo bombe itakwambuka ikamugeraho ni iki?
Ni uko ntagirujans iyo aba ari cyera nba mwise igicucu.
Abazungu baratubeshya, l’OMS a massacré l’Afrique, SIDA yakorewe muri OMS, ikorwa n’umurusiya wakoraga aho muri OMS muri laboratoire ((Banque de Sang) ashaka urikingo rwa Variole na Meningite (mugiga), urwo rukingo rwageragerejwe bwa mbere en Ouganda dans les années 1972 . Wari Ubizi? wari u zi ko i Bugande hari udusozi abaturage bapfuye bagashira hakamera ishyamba bazize SIDA? Malheureusement uwo mu Rusiya est mort avec ses secrets, nta wamenye niba yarabikoze abishaka cyangwa ari accident!!!! None ngo SIDA yatangiriye muri Congo, Bazabeshye abahinde…..
Comments are closed.