“Si uko ntakora ahubwo amasomo ntaba yoroheye umuntu”- Auddy

Munyangango Auddy umuhanzi uzwi nka Auddy Kelly muri muzika ndetse unakora injyana ya Afrobeat na R&B, aratangaza ko kuba atagaragara cyane muri muzika ari uko mu minsi micye ishize yari afite amasomo atamworoheye.

Uyu muhanzi byakomeje kugenda binavugwa ko yaba ari mu rukundo n’umuhanzikazi uzwi nka Jody gusa nyuma aza gutangaza ko nta rukundo ruri hagati ya bo ko ari ubushuti busanzwe.

Mu kiganiro na UM– USEKE, Auddy yatangaje ko kuba atarimo kugaragara cyane mu bahanzi barimo kugenda bakora ibitaramo ari amasomo yari amumereye nabi. Yagize ati “Abakunzi banjye badakomeza kwibaza ahantu naba ndi cyangwa se ibyo naba mpugiyemo, ahubwo ni amasomo yari amereye nabi ariko mfite ibikorwa ngiye kubagezaho kandi nzi neza ko bizabashimisha”.

Auddy Kelly ni umunyeshuri mu ishuri rikuru  ryahoze ari SFB ubu ryahindutse CBE ‘College of Business and Economics’ mu mwaka wa kabiri. Yakomeje atangaza ko mu mwaka wa 2014 afite imishinga myinshi itandukanye irimo gukorana indirimbo  n’abahanzi bakomeye.

Joel Rutaganda
ububiko.umusekehost.com