Senderi yikomye abanyarwenya ‘Comedians’ cyane Atome

Mu gitaramo Ntarindwa Diogène uzwi nka Atome cyangwa se Gasumuni aherutse gukora, yagarutse ku bahanzi barimo Knowless, Jay Polly, Charly & Nina uburyo bazaba bameze mu myaka 50 iri imbere, ariko yibanda  ku ibaruwa Senderi yandikiye perezida wa Amerika Donald Trump.

Muri iyo baruwa akaba yaravugaga ko ari uburyo Senderi yagaragajemo umubabaro yagize wo kwangirwa kwinjira muri icyo gihugu kubera kwitwaza producer we yari avanye i Nyamirambo.

Senderi nk’umwe mu bahanzi bakunze kugarukwaho mu bitaramo by’abanyarwenya kuko yiyitirira ibigezweho byose, yavuze ko adashaka umunyarwenya uzongera kumuvuga nabi. Bakwiye kujya bashaka ibyiza bamuvugaho aho gushakisha ibibi gusa.

“Si byiza kuvogera ubusugire bwanjye, kuko izina ryanjye ryarangoye kuryubaka ngo rigere aho riri. Sinanze ko bamvuga ariko ni bamvuge neza. Gasumuni ndamushaka kwanza mvugane nawe”– Senderi

Avuga ko abantu batukwa cyane ari abantu baba bazwi, icyo yasaba abanyarwenya na buri muntu wese upfa kumuvuga uko ashatse bakwiye kurekera kumuvugira ibyo atavuze.

Kuko atabona umwanya wo kwirirwa arwana n’itangazamakuru ritamworoheye kubera kudakina ibihangano bye ngo anabone umwanya wo gushaka ibyiza abafana bakeneye, rero anashyireho abamuvuga nabi.

Mu burakari bwinshi bwuje agahinda yagize ati “Hari ubwo ntazamerera neza abo bantu”. Senderi yakomeje avuga ko abamwitirira ibinti byose biriho bakwiye kumureka.

https://www.youtube.com/watch?v=cmszTPlVRis

Joel Rutaganda

UM– USEKE.RW