Senderi yemeye ko Austin ayoboye Afrobeat mu Rwanda

Bigoranye cyane, nyuma y’igihe Senderi Internationah Hit n’andi mazina menshi yemeye ko Uncle Austin ariwe muhanzi uhiga abandi mu njyana ya Afrobeat mu Rwanda kubera bimwe mu bikorwa bye.

Aba ni bamwe mu bahanzi bahora bahanganye ku waba ayoboye abandi bahanzi bakora injyana ya Afrobeat barimo Senderi, Austin, Mico, Social Mula n’abandi.

Mu kiganiro na City Radio, Uncle Austin yagereranyije Senderi nk’inkoko n’intare kuri we. Ibi bikaba ari nabyo byatumye Senderi yemera ibyo Austin avuga byose.

Uncle Austin yagize ati “Nifuza ko abantu batakongera guhora bangereranya na Senderi. Kuko ni nk’uko wafata inkoko ukayitereka imbere y’Intare”.

Senderi udasanzwe azwiho kuba yakwihanganira ijambo ryose rishaka kumwereka ko adashoboye, yaje kwemera ko ibyo Austin avuga koko aribyo.

Yagize ati “Ibyo avuga byose nibyo. Ndabyemera ko ariwe muhanzi uyoboye abandi mu njyana nya Afrobeat mu Rwanda”.

Mu minsi ishize nibwo hari hashyizwe hanze ifoto iriho Mico, Senderi na Uncle Austin bavuga ko bamaze kwiyunga nyuma y’igihe bahora mu bitangazamakuru bavugwa ku waba ahiga abandi.

Joel Rutaganda

UM– USEKE.RW