Safi (Urban Boys) yashyize hanze ukuri ku rukundo rwe na Parfine

Safi Madiba cyangwa se Niyibikora Safi wo muri Urban Boys, yeruye abwira abafana n’abakunzi ba muzika muri rusange bamaze igihe bibaza uwo yaba ari mu rukundo nawe nyuma y’igihe atandukanye na Knwoless bigeze gukundana.

Byagiye bicibwa mu marenga kenshi ko yaba ari mu rukundo n’umugore witwa Mutesi Parfine wari utuye i Burayi mu Busuwisi ariko bakabitera utwatsi.

Impande zombi ntizigeze zemera iby’urwo rukundo kugeza ubwo Parfine yaje gutandukanira n’umugabo we w’umuzungu bari bafitanye abana babiri akaza kwibera mu Rwanda.

Mbere yuko Safi yemerea iby’urukundo rwe na Parfine, yabanje kugenda avuga ko ari inshuti zisanzwe. Dore ko yavugaga ko bahujwe n’igitaramo yigeze kubatumiramo nk’itsinda rya Urban Boys mu Bubiligi.

Ku mbuga nkoranyambaga ze, Safi yagize ati “Murifuza kumenya uwo naba ndi mu rukundo nawe?musome ijambo rya mbere mvuze ‘Ndamukunda”.

Uretse Safi utangaje ku mugaragaro ko yaba noneho ari mu rukundo, ni gake cyane kubona umuhanzi yemera ko afite uwo bakundana kugeza igihe batamarijwe no guterana inda.

Ibi byabaye ku bahanzi barimo Bruce Melodie, Jack B, Jules Sentore, Amag The Black, Jay Polly, Jay C, Uncle Austin, BullDogg n’abandi benshi.

Joel Rutaganda

UM– USEKE.RW