Ryumugabe wasambanyije UMUKOBWA WE ku ngufu yakatiwe imyaka 15

Iburasirazuba – Faustin Ryumugabe utuye mu kagali ka Nyankurazo Umurenge wa Kigarama Akarere ka Kirehe wari ukurikiranyweho icyaha cyo gusambanya umukobwa we w’imyaka 17 yahamwe n’icyaha kuri uyu wa gatanu akatirwa igifungo cy’imyaka 15 no gutanga ihazabu y’amafaranga ibihumbi 100 y’u Rwanda.

Nk’uko biteganywa n’ingingo ya 76 y’tegeko ngenga numero 01/2012  ryo ku italiki ya 02-05-2012 mu ngingo ya 78 agace ka mbere aho gufungwa burundu by’umwihariko urukiko rwisumbuye rwa Kireherwamukatiye imyaka 15 n’ihazabu kubera ko ataruhanyije mu iburana kuko yemeye icyaha cyo gusambanya umukobwa we.

Ubwo yisobanuraga kuri iki cyaha Ryumugabe yavuze ko atibukaga ibyo yakoze ko n’ikimenyimenyi yazindutse ajya guhinga aho guhunga abashinzwe umutekano gusa ariko akemera ko ibyo umkobwa we avuga byose abyemera ngo kuko yari yanyweye inzoga nyinshi.

Ryumugabe yasonewe amagarama y’urubanza kubera ko yaburanaga afunze.

Isomwa ry’uru rubanza ryabereye nanone ahakorewe icyaha mu kagari ka Nyankurazo mu murenge wa Kigarama mu karere ka Kirehe, urubanza rwasomwe na Prezida w’inteko yaburanishaga uru rubanza ni Rwubusisi Samuel.

Ryumugabe Faustin yashakanye na Mukabugingo Esperence babyaranye abana batanu abahungu babiri n’abakobwa batatu.

Elia BYUK– USENGE
UM– USEKE.RW