RSE: Umugabane wa Bralirwa wasubiye ku mafaranga 170

Kuri uyu wa kane tariki 28, Isoko ry’imari n’imigabane “Rwanda Stock Exchange (RSE)” ryafunze umugabane wa Bralirwa wiyongereyeho amafaranga atatu (frw 3).

Muri rusange ku isoko ry’imari n’imigabane hacurujwe imigabane 200 ya Bralirwa n’imigabane 242, 000 ya Crystal Telecom (CTL), yose hamwe ifite agaciro k’amafaranga y’u Rwanda 16,974,000.

Igiciro cy’umugabane wa Bralirwa cyahindutse, wavuye ku mafaranga 167 wariho kuwa gatatu, usubira ku mafaranga 170 umazeho ibyumweru. Naho CTL yacurujwe cyane, umugabane wayo wagumye ku mafaranga 70.

Igiciro cy’umugabane wa BK nticyahindutse ugereranyije n’uko cyari kimeze ejo hashize, wagumye ku mafaranga 276. Imigabane ya EQTY ihagaze ku mafaranga 334, iya NMG iheruka gucuruzwa ku mafaranga 1,200, iya USL ku mafaranga 104, naho iya KCB iri ku mafaranga 330.

UM– USEKE.RW