ROADSHOW ya nyuma ya PGGSS yabereye i Nyagatare kuri icyi cyumweru nyuma basura urwibutso rwa Kigali ku Gisozi.

Nkuko byari biteganyije muri gahunda ya PGGSS road show ya nyuma yabereye i Nyagatere ku kibuga cy’umupira UPU, abahanzi bose baritabiriye uretse Dr. Claude ubu uri USA aho yitabiriye igikorwa cya RWANDA DAY. Abahanzi, abanyakuru, MCs, DJs n’abahagarariye Bralirwa bahaguritse i Kigali dore ko batandukanye n’inyota kuko aho bari hose BRALIRWA ibagenera icyo kunnywa.

Abashyushya rugamba bari ANITA na MC TINO bakomeje kwigaragaza ko ari abantu babashije gusetse no kunezeza abantu  batagira ingano. Uwafangaga imisiki ni DJ BISOSO kabuhariwe wabigize umwuga.

Dore uko abahanzi bakurikiranye baririmba:

1. Faysal

2. Urban Boys

3. King James

4. Riderman

5. Dream Boys

6. Jay Polly

7. Mani Martin

8. Tom Close

9. Rafiki

Icyagaragaye aha ni uko abantu batitabiriye ari benshi nkuko byari bimerewe  ahandi Road show za PGGSS zagiye zibara. Aba bose baraye iburasizuba kubera ko byarangiye bwije cyane kandi kuwa gatandatu abahanzi bakoresheje imbaraga nyinshi I Kigali aho bahangaye imvura y’amahindu.

Kuri uyu wa mbere nibwo bagarutse I Kigali berekeza ku rwibutso rwa Jenoside rwa Kigali aho abahanzi abanyamakuru n’abahagarariye BRALIRWA muri iki gikorwa basengurikijwe urwibutso basobanurirwa amateka yaranze u Rwanda. Jean Pierre na Samputu nibo baje bahagarariye BRALIRWA.

Abahanzi bose baganiriye n’Umuseke.com bagarutse kukugaririra isura nziza u Rwanda by’umwihariko  abahanzi nyarwanda aho bifashishijwe bakwirakwiza jenoside. Bakaba bafashe umwanzuro wo kwifashisha ibihangano byabo babiba umuco w’amahoro n’urukundo mu banyarwanda.

Tubibutse ko kuri uyu wa gatandatu bazajya muri gahunda y’umwihariko aho bazataramira ingabo z’igihugu ziri I Gako. Nyuma abahanzi bazakomera kwitoza (repetition)  bitegura kuzaririmbira abakunzi babo imbona nkubone (live).

Muzogeye Plaisir
Umuseke.com