RDC: FARDC n’inyeshyamba za Maï-Maï bakozanyijeho

Hashize iminsi ibiri Ingabo za Repubulika iharanira Demokarasi ya Congo FARDC zihangana n’inyeshyamba za Maï-Maï mu gace ka Kipushi ho mu Ntara ya  Katanga maze babiri mu nyeshyamba bahasiga ubuzima.

Radio okapi dukesha iyi nkuru itangaza ko iyi mirwano yanasize ikomerekeje babiri mu ngabo za FARDC inakuye abaturage benshi mu byabo.

Ingabo zo muri iki gihugu ziri mu bibazo bikomeye cyane kuko zikomeje kugabwaho ibitero n’ inyeshyamba  zitandukanye kuko umutwe umwe uvaho haza undi.

Iyi mirwano ikaze yashyamiranyije FARDC Maï-Maï  yabaye kuri uyu wa kabiri ku mugoroba mu gace ka Kiziba mu  birometero bisaga  10  uvuye mu Mujyi wa Lubumbashi.

Iyi radiyo ikomeza  itangaza ko inyeshyamba za Maï-Maï zaguye gitumo FARDC maze impande zombi zigatangira gukozanyaho bituma bamwe bapfa abandi bagakomereka.

Indi mirwano yashyamiranyije inyeshamba na FARDC yabaye kuri uyu wa mbere mu duce twa Kapitolo, Kibowa na Emana ho mu ri Pweto. Sosiye sivile y’i Pweto iangaza ko iyi mirwano yasize abaturage hafi ya bose bavuye mu byabo bagahungira mu nkambi aho bazajya babasha kuroba amafi.

ububiko.umusekehost.com