RDC: Batanu bahitanywe n’impanuka ebyiri zikomeye

Mu mpera z’icyumweru gishije abantu batanu baguye mu mpanuka ebyiri zikomeye zabereye mu duce twa  Madimba na songololo ho muri Repubulika iharanira Demokarasi ya Congo.

Impanuka imwe yabere Madimba yahitanye abagera kuri bane, yabaye ubwo imodoka itwara abagenzi rusange yasaga nk’igiye kurenga umuhanda igahita igongana n’ikamyo maze abagenzi bane bagahita bahasige ubuzima shoferi na ‘Convoyeur’ bagakomereka bikabije.

Radio okapi ivugira muri iki gihugu itangaza ko iyi mpanuka yafunze umuhanda igihe kingana n’isaha.

Indi mpanuka yabereye ahitwa Songololo mu gace ka Buila yatewe n’imodoka y’ikamyo ayari iturutse Lufu itwaye ibicuruzwa biremeye bituma ihirima maze kingingi wayo ahita ahasiga ubuzima.

Impuguke mu by’umutekano wo mu muhanda muri iki gihugu zivuga ko umuvuduko ukabije , ubusinzi, kwica amategeko y’umuhanda nkana no kudakoresha isuzuma ry’imodoka riri tekinikike ari byo biza ku isonga mu gutera impanuka mu gihugu cya Congo Kinshasa.

UM– USEKE.COM