Rayons sport:Ruremesha yanze gutoza

Etincelles FC v La Jeunesse FC 2-2

Mu gihe kuri uyu munsi imikino yo kwishyura muri PNFl iza kuba ikomeza bakina imikino y’umunsi wa 12 wa shampiyona,umutoza w’ikipe ya rayon sport ariwe Ruremesha Emmnanuel akaba amaze gutangariza umuseke.com ko ataza kuba yicaye ku ntebe y’ubutoza ubwo iyi kipe ya Rayon sport iza kuba ihura na As Muhanga kuri stade y’i Nyamirambo.

Impamvu nta yindi ni amafaranga ubuyobozi bw’iyi kipe bumubereyemo. Mu kiganiro kigufi agiranye n’umuseke.com kuri telefoni ye igendanwa, atangaje ko hari n’ibindi byinshi yiteguye gushyira ahagaragara bituma atakomeza gukorana n’iyi kipe mu gihe byaramuka bidakemutse. At « ni byinshi biri hagati yange na Rayon, mu gihe bidakemutse sinakwihanganira gukomezanya na Rayon »

Kuri uyu mukino uza guhuza Rayon sport na As Muhanga, Jean pierre Ernezn niwe uza kuba atoza abakinnyi b’ikipe ya Rayon sport mu gihe uyu yaje ari umutoza ushinzwe kwongerera ingufu abakinnyi b’iyi kipe, uyu mu nya Luxembourg akaba ubusanzwe yarahoze ari umu technicien muri sport yo gusiganwa ku maguru.

Dore rero indi mikino uko iza kuba ikinwa:

Ejo

Etincelles FC v La Jeunesse FC 2-2

Uyu munsi

Mukura VS v APR FC (Huye)

Police FC v Amagaju FC (Kicukiro)

Rayon Sports v AS Muhanga (Stade de Kigali)

Kiyovu Sports v AS Kigali (Stade Mumena)

Marines FC v Musanze FC (Stade Umuganda)

Fabrice T.

Umuseke.com