Rayon yatsinze Mukura 2 – 0
Wari umukino urimo imbaraga nyinshi
Mu mukino w’umunsi wa kane wa shampionat y’u Rwanda, ikipe nkuru mu Rwanda zo mu Ntara y’amajyepfo zari zahuye ariko zikinira i Kigali, Rayon Sports ibasha gutsinda Mukura VS ibitego bibiri ku busa byatsinzwe na ba rutahizamu Davis Kasirye na Pierrot Kwizera.
Mu mikino ibiri iheruka Rayon Sports yari yanganyije na Etincelles ndetse iheruka gutsindwa na AS Kigali, naho Mukura yo yaherukaga gutsinda APR FC mu mukino uheruka wa Shampionat.
Mukura yakinnye idafite rutahizamu wayo Cyiza Hussein mu gihe bwa mbere umutoza David Donadei we yabanjemo rutahizamu Davis Kasirye umaze gutsida igitego muri buri mukino muri itatu yari yarabanje hanze agasimbura nyuma.
Nk’ibisanzwe, Mukura yatangiye ikina umupira mwiza abakinnyi bayo ubana babonana neza banobagiza umupira neza, gusa Rayon Sports niyo yahise ikora igisabwa mu mupira maze ku munota wa 14 ubwo Pierrot Kwizera yarekuraga ishoti rikomeye atereye hafi mu kibuga hagati umuzamu Regis Shyaka wa Mukura ntabashe kuwugarura.
Nyuma y’imonota micye umusore Emmanuel Imanishimwe bamutegeye mu rubuga rw’amahina rwa Mukura maze umusifuzi atanga Penaliti yinjijwe neza na Davis Kasirye ku munota wa 26.
Igice cya mbere cyarangiye gutya ndetse n’igice cya kabiri Mukura igerageza kwishyura ari nako Rayon sports igerageza gushakisha ikindi gitego ariko byose birananirana umupira urangira ari bibiri bya Rayon Sports ku busa bwa Mukura Victory Sports.
Umutoza Okoko Godfroid wa Mukura yavuze ko uyu munsi umukino wamugoye kuko yahinduye systeme bakoresheje ubushize kugira ngo abakinnyi bafate cyane umusore witwa Pierrot Kwizera wa Rayon ariko bikabananira.
Naho umutoza wa Rayon Sports David Donadei we yavuze ko bagiye gukomeza gutsinda indi mikino bafite imbere kugira ngo bereke abafana b’umupira mu Rwanda ko Rayon Sports ari ikipe ikomeye.
Intsinzi y’uyu munsi yatumye Rayon Sports iza ku mwanya wa gatatu naho Mukura ijya ku mwanya wa munani.
Indi mukino y’umunsi wa kane uko yagenze n’itegerejwe;
Kuwa Gatanu:
- Amagaju FC 2-1 Espoir FC
- APR FC 2-0 Bugesera FC
Kuwa Gatandatu:
- Rayon Sports FC 2-0 Mukura VS
- Rwamagana City FC 0-1 Police FC
- FC Musanze FC 0-0 Kiyovu Sports
Ku cyumweru:
- AS Kigali vs Gicumbi FC – ku Mumena
- Sunrise FC vs Etincelles FC – i Rwamagana
- Marines FC vs AS Muhanga – Tam Tam
| No | Team | Pg | W | D | L | GF | GA | GD | PTS |
| 1 | Police FC | 04 | 03 | 01 | 00 | 07 | 02 | 05 | 10 |
| 2 | AS Kigali | 03 | 02 | 01 | 00 | 06 | 01 | 05 | 07 |
| 3 | Rayon | 04 | 02 | 01 | 01 | 05 | 02 | 03 | 07 |
| 4 | Musanze | 04 | 02 | 01 | 01 | 04 | 02 | 02 | 07 |
| 5 | APR FC | 04 | 02 | 01 | 01 | 04 | 03 | 01 | 07 |
| 6 | Amagaju | 04 | 02 | 01 | 01 | 03 | 03 | 00 | 07 |
| 7 | Kiyovu | 04 | 01 | 03 | 00 | 03 | 01 | 02 | 06 |
| 8 | Mukura | 04 | 02 | 00 | 02 | 05 | 05 | 00 | 06 |
| 9 | Gicumbi | 03 | 01 | 01 | 01 | 02 | 01 | 01 | 04 |
| 10 | Rwamagana | 04 | 01 | 01 | 02 | 03 | 03 | 00 | 04 |
| 11 | Espoir | 04 | 01 | 01 | 02 | 04 | 06 | -2 | 04 |
| 12 | Bugesera | 04 | 01 | 01 | 02 | 02 | 05 | -3 | 04 |
| 13 | Marines | 03 | 01 | 00 | 02 | 01 | 03 | -2 | 03 |
| 14 | Sunrise | 03 | 01 | 00 | 02 | 02 | 06 | -4 | 03 |
| 15 | Etincelles | 03 | 00 | 01 | 02 | 00 | 03 | -3 | 01 |
| 16 | As Muhanga | 03 | 00 | 00 | 03 | 01 | 05 | -4 | 00 |
Shamoionat igiye kuba ihagaze mu gihe ikipe y’igihugu igiye muri Maroc mu mwiherero wo gutegura imikino y’irushanwa rya CHAN rizabera mu Rwanda mu ntangiriro z’umwaka utaha.
UM– USEKE.RW
English