Rayon Sports yahawe igikombe nubwo yatsinzwe
Abafana ba Rayon Sports bari bacyereye ibirori, umunsi wa none wari amateka yo guhabwa igikombe batsidiye uyu mwaka nyuma y’iminsi irenga 3825 bagitegereje, bagihawe ku mukino wa nyuma wabereye kuri stade Amahoro warangiye ariko batsinzwe na Espoir FC ibitego 3 -2.
Abantu bagera nko ku bihumbi 10 bari baje hafi ya bose ari ubururu n’umweru ndetse n’ababyeyi bakenyeye. Mbere y’umukino ahitwa mu Migina imbere ya Stade hari ibirori bikomeye by’abafana bo mu rwego ruciriritse bavuza ingoma babyina amayoga na za mushikaki bifite icyashara ku tubari turi aho.
Umukino watangiye impande zombi zigaragaza umupira mwiza, Rayon sports niyo yafunguye amazamu ku munota wa 11 ku ishoti rito cyane ryaciye mu maboko y’umunyezamu wawufashe nabi kiba kiranyoye.
Ntibyatinze ariko ku munota wa 25 Said Abed wahoze akina muri Rayon Sports aba abonye igitego ku ishoti yatereye nko muri metero 25, mbere y’uko igice cya mbere kirangira Hamiss Cedric yatsinze igitego cyiza ku munota wa 35 nanone ku makosa y’umunyezamu wa Espoir wahise anasimbuzwa, cyakora Said Abed ku munota wa 43 birangira ari 2 – 2.
Mu gice cya kabiri Rayon yakomeje kurusha Espoir guhererekanya umupira, ndetse Hamiss Cedric, urangije shampionat n’ibitego 16 mu mikino 11 gusa yakinnye, yakubise umupira ku giti cy’izamu, banahusha n’ubundi buryo.
Espoir ariko yanyuzagamo igafata umupira igateza igitutu ba myugariro ba Rayon Sport, ku munota wa 74 Said Abed yashyizemo igitego cya 3 umukino urinda urangira Rayon itakishyuye ariko ntibyabuza ko umuhango wo kuyiha igikombe ukurikiraho.
Nubwo bari batsinzwe batambukanye ibyishimo muri tribune, umutoza wabo Gomes ariko ntabwo yari anejejwe no gutsindwa none. Igikombe bagishyikirijwe na Ministre Mitali Protais wagishyikirije Hategekimana Aphrodis bita Kanombe maze murera (indirimbo abarayon bakunda) irabyinwa.
JD NSENGIYUMVA Inzaghi
UM– USEKE.RW
English
0 Comment
mwishime mwari mumaze igihe mubabaye 10ans nta gikombe
Thanks our team; we need change to our games, Courage nyuma yakazi katoroshye.
ooh rayon!!!uranshimisha niyo utagitwara ariko wambatirije APR iyiha irindi zina rya BINEZERO
Ariko njya nibaza amazina mwita abantu n’amakipe mu Rwanda mugira umuhanzi uyabategurira cg nikipe igizwe n’abahanga mumazina. Gusa umenya Mpatsamakipe ryarabateye umwaku. Ndebera nka Arsenal itwaye igikombe nyuma yikinyejana umenya babarusha. None se ikipe itwaye igikombe nyuma y’imyaka icumi mwazayishakiye izina bahanzi ba rayon? Nimuze mwisubirire kukanyu indi imyaka icumi babana barakuze, na Ferwafa yamenye amanyanga bamwe mubasifuzi bakoze kugirango mugitware. Muhanga mwayisinze bingahe? byagenze bite? muri abatekinisiye kabisa.
oooh rayons!gikundiro cyiza!!!tukurinyuma na cecafa turayishaka
Rayon usize amateka muri championat y’u Rwanda wahawe n’ubushobozi bwo kubatiza.
APR uyita BINEZERO
MUHANGA uyita TARISISI
Gutwara igikombe watsinzwe kariya kageni ntabihembo Espoir yo yari ikwiye, ariko banze agasuzuguro basuzuguza igikombe.
ikipe nitwara igikombe iwayo yagera no hanze ntikoze igihugu isoni mutegereze murebe na CEKAFA na CaF ureke APR ihora ituryamisha mumahanga
imyaka cumi ntagikombe,mugomba kwishima ariko nta nomutaru ,ibyo byomwivujisha ngo APR yarabaryamishaga.mwebwe muzasinzira .APR Tukurinyuma nibajeza ibikombe twatwaye bazajende,ngaho CECAFA Ishuro 3,champion 13, peace cup inshuro zose ,igikona oyeeeeeeeeeee.
Star mu Rwanda ni Espoir. Iciye agahigo ko gutsinda Rayon Sport ku munsi w’ibirori. Niyo yonyine ibujije Rayon kurangiza imikino yo kwishyura idatsinzwe. Muri Shampiona yo mu Rwanda Espoir niyo kipe imaze igihe kirekire muri Shampiyona y’u Rwanda nyuma ya Kiyovu, Rayon Sport na Mukura. Izindi zose ni utwana.
Yageze kuri finale inshuro zitari nke.
mundangire ahantu haba irimbi ry’ibikona njye gushyiraho indabyo
Oyeee!!!!! Rayon urashimishije mureke ba BINEZERO ibikombe byose batwaye ni iby’ubujura na ruswa ariko akabo kagiye gushoboka FERWAFA yarabahagurukiye nabo basifuzi babanyenzara nibatisubiraho kababayeho mba ndoga UMWAMI
Rayon oyeeeeeeee!!!!!! tukurinyuma komeza utsinde.