Rayon Sports yabaye yishyuye Raoul Shungu igice
Amakuru yemejwe n’Umunyamabanga wa Rayon Sports Gakwaya Olivier ni uko iyi kipe yashyize kuri konti ya Raoul Shungu miliyoni munani z’amanyarwanda nk’igice kimwe cy’umwe bagomba kumwishyura nkuko babitegetswe na FIFA nyuma y’uko uyu munyecongo areze Rayon ubwambuzi.
Gakwaya avuga ko kuwa kane Mata bari bamaze koherereza Raoul ayo mafaranga, nubwo we yumvikanye ku maradio yo mu Rwanda avuga ko atarareba kur konti ye ngo yemeze niba yabonye ayo mafaranga.
Raoul Shungu, Rayon Sports ivuga ko bumvikanye ko izamwishyura amadorari ibihumbi 45 (45 000USD) mu byiciro bitatu, kugirango batagira ibyemezo bafatirwa na FIFA yategetse ko Rayon yishyura uyu mutoza cyangwa igafatirwa ibyemezo birimo no kumanurwa mu kiciro cya kabiri.
Raoul Shungu yareze Rayon Sports muri FIFA ko yamwirukanye atarangije amasezerano ye mu 2010 ndetse ntinubahirize ibiyakubiyemo.
Rayon Sports ntiyemeye kwishyura Raoul kugeza ikibazo kigeze muri FIFA ubuyobozi bushya bwa Rayon bukemera kwishyura uyu mutoza wanditse amateka muri iyi kipe.
Gakwaya yavuze ko ibyiciro bibiri bisigaye bazabyishyura Raoul, ubu uto mu ikipe ya St Eloi Lupopo iwabo, mu mezi abiri ari imbere.
Kugeza ubu Rayon Sports ikabaya yarasabye FERWAFA ko yamenyesha FIFA ko kwishyura Raoul Shungu biri gukorwa ku bwumvikane bw’impande zombi.
Rayon Sports ubu irashishikariza abakunzi bayo kuyiba inyuma muri ibi bihe isabwa kwishyura uwo mwenda, bitabira imikino yayo ndetse banayifasha gukusanya inkunga mu buryo butandukanye bwashyizweho.
Egide RWEMA
UM– USEKE.COM
English
0 Comment
Abantu b’i Nyanza byumwihariko,nimugerageze twohereze message uko dushoboye tubashe kwishyura uriya mugabo,tubashimiye ingufu mugiye gushyiramo
Yihangane tuzishyura kuko kugvera kure siko gupfa,abaturwanya bitonde
Ahubwo ababindusha mumbwire uburyo izo sms bazohereza,naho ubundi abafana tubishatse twakwishura asigaye yose muri tranche imwe,peresident w’abafana ibyo bintu nituva mucyunamo kabisa azabidecentralise twishyure iwo mugabo kuko yaduhaye ibikombe anadutsindira imikino ikomeye.ibihe byiza kubasportif by’umwihariko abarayon.
Sinzi icyo rayon ipfana no kukora ibintu ku munsi wanyuma, buriya uyishyuye mbere nta cyaha cyane ko umenya neza ko yageze aho agomba kugera,kandi western union si uburyo bwiza bwo kwishyura nta security butanga kuri somme ingana kuriya.
Oo.gikundiro tugerageze dufashe kuko ekipe niyacu
aba rayon niba dushaka igikombe tube hafi y’ Ikipe yacu Gikundiro mugukemura utubazo dufite.100fr simenshi kdi muri miliyoni 13 z’Abanyarwanda nziko miliyoni7 ari aba Rayon kugikemura twabishobora niba dukunda ikipe.
ubwo bushakashatsi wabukoreyehe? abanyrwanda bangana gutyo baje muri sport yatera imbere
Ewe.rayon yabaye akaryo kuva kera abayiyoboye itagira nyirayo bahakuye akayabo pee!!!
“Gusa abantu batuunga ikipe ntabwo ikipe itunga abantu”
Account ya reyon , ni iyihe muri Bank populaire?
sha ni ukugerageza ikibazo cya Rayon tukagifata nk’icyacu twese abanyarwanda babifitiye ubushake bw’uko cyakemuka, kuko biriya bihano bishobora guhindura isura y’umupira w’amaguru mu Rwanda harimo no kugabanuka kw’abawitabira. Twe guharira ubuyobozi bwa Rayon gusa.
ni ibisambo kabisa bashyireho nindishyi z”akababaro