Rayon Sports irateganya gushinga ikipe ya Volley Ball

Ubuyobozi bw’ikipe ya Rayon Sports buratangaza ko bugiye gushinga ikipe y’ ikipe ikina umukino w’intoki (Volley Ball), itsinda kandi izaba ije gutwara ibikombe.

Perezida wa Rayon Sports akaba n’umuyobozi w’Akarere ka Nyanza, Murenzi Abdallah, aganira na Times Sport yatangaje ko iki gitekerezo bagishyikirije ishyirahamwe ry’umukino wa Volley Ball mu Rwanda(FRVB) kandi babyakiriye neza cyane.

Agira ati “Turasha gushinga ikipe ya Rayon Sports ya Volley Ball nziza, ikomeye kandi itsinda ikaba yabasha kujya mu ruhando mpuzamahanga. Turifuza ko bidushobokeye umwaka utaha mwatangira kuyibona mu marushanwa na Shampiona ya Volley ball mu Rwanda.”

Ushinzwe tekiniki muri FRVB Christian Hatungimana we asanga iki gitekerezo ubuyobozi bwa Rayon Sports bwagize ari kiza cyane kuko ngo byatuma irushanwa rirushaho gukomera.

Agira ati “Rayon Sports n’ikipe ikundwa na rubanda nyamwinshi ndakeka bagiye no mu mukino wa Volley Ball abafana bakwiyongera ku kibuga.”

Shampionna ya Volley Ball biteganywa ko igomba gutangira mu kwezi kw’Ugushyingo.

Source: Times Sport

JD Nsengiyumva Inzaghi
Umuseke.rw