Rayon sports: Abakinnyi bane gusa nibo bakoze imyitozo

CHIEF EDITOR
06/13/2016

Mu gihe habura iminsi ibiri gusa ngo Rayon sports yakire Amagaju mu mukino wa shampiyona, abakinnyi bane gusa nibo bakoze imyitozo kuri uyu wa mbere kuko abandi banze gukora batarahembwa.

Abakinnyi ba Rayon Sports bavuga ko bafitiwe ibirarane by’imishahara y’amezi abiri, n’ibirarane by’uduhimbazamusyi tw’imikino ine.

Kutishimira kudahemberwa igihe, byatumye bafata umwanzuro wo guhagarika imyitozo.

Umuseke uvugana n’umunyamabanga wa Rayon sports Olivier Gakwaya, yatubwiye ko iyo nkuru ari ikinyoma, ko ikipe iri mu myitozo nta kibazo.

“Ni ibihuha, kuko ugiye no kuri FERWAFA aho ikipe ikorera imyitozo wayihasanga. Nta baruwa y’abakinnyi cyangwa umutoza ivuga ko bahagaritse imyotozo twabonye. Umukino wo kuwa gatatu nta cyahindutse uzaba.” –Olivier Gakwaya

Nyuma yo kuvugana n’uyu munyamabanga, Umuseke wasuye imyitozo ya Rayon sports dusanga yo abakinnyi bane gusa.

Ndacyayisenga Alexis, Munezero Fiston, Ismaila Diarra na Musoni Théophile bita Pato (umuzamu wa gatatu).

Ibi ni mu gihe Rayon sports ibura iminsi ibiri ngo yakire Amagaju mu mukino wo ku munsi wa 28 wa shampiyona, uteganyijwe kuri uyu wa gatatu saa 18h kuri stade ya Kigali.

Ndacyayisenga Alexis (ibumoso) na Munezero Fiston bari mu bihanganiye gukora imyitozo nubwo badahembwa

Uhereye ibumoso Ndacyayisenga Alexis, Musoni Théophile, Mike (akora imyitozo ariko si umukinnyi wa Rayon), na Ismaila Diarra nibo bakoze imyitozo yitegura Amagaju — Uhereye ibumoso mu bicaye, Ndacyayisenga Alexis, Musoni Théophile, Mike (akora imyitozo ariko si umukinnyi wa Rayon), na Ismaila Diarra nibo bakoze imyitozo yitegura Amagaju, inyuma yabo hahageze umutoza w’abazamu Claude Manirakiza bita Masope

Abo muri staff bari benshi kurusha abakinnyi — Abo muri staff ya Rayon Sports (Umutoza, umwungirije, umutoza w’abazamu, umuganga n’ushinzwe imyenda) bari benshi kurusha abakinnyi

Umutoza mukuru Masudi Djuma yakoresheje imyitozo abakinnyi bane gusa

N'umutoza wungirije Lomami Marcel yari ahari — N’umutoza wungirije Lomami Marcel yari ahari

Umunya - Mali Ismaila Diarra we yanyuranyije n'icyemezo cya bagenzi be cyo gusiba imyitozo — Ruthizamu wo muri Mali Ismaila Diarra yari yaje muri iyi myitozo

Photos/R. NGABO ©Umuseke

Roben NGABO
UM– USEKE.RW

6 Comments

fils says:
06/13/2016 at 16:44

gasenyi waragowe peee

Kwelisana says:
06/13/2016 at 16:54

Sha ni hahandi hanyu tuzakomeza kubaho.

Zoe says:
06/13/2016 at 17:27

Kubaho mutariho@Kwelisana

Onze d'or says:
06/13/2016 at 17:44

Ariko equipe ifite fan base yambere mugihugu hose inanirwa kwitunga gute koko?
Something is wrong in Rayon-Sport board.

AMANI says:
06/14/2016 at 08:37

IMPAMVU IBIRI INYUMA IZAMENYEKANA. MWIJIJISHA, RAYONS SPORT IRI KURI COURSE Y’IGIKOMBE. UTAYITOBEYE RERO APR YAKIMYIZA IMOSO. IMIKINO YO MU RWANDA SI MATCH NI JEUX. MONOPOLE MU BUCURUZI, MONOPOLE MU MIKINO, NI BOROHERE NANDI MAKIPE AKORE KU GIKOMBE. MUJYE MUKOPERA MU BINDI BIHUGU. NAHO UBUKENE SI IKIBAZO IKIPE YO MURI ZA 60 NA NTIBAYEHO KURI SELUMU.

Bosco says:
06/14/2016 at 11:07

Rayon nabayobozi bayo rwose muraducanga cyane ngo murashaka igikombe abakinnyi badahembwa?mureke APR FC ikipe icyeye cyane ifite gahunda itware igikombe kuko mwe niyo mwakibona ntimwabasha kugihagararaho nkuko mwagitwaye tugitangira politike yacu yo gukinisha abanyarwanda twagarutse tuje ntimwibeshye ngo mwadutsinze 4 biriya bibaho ni Burayi APR OYEEEEEEEEEEEEEEE Tubari inyuma

Comments are closed.

Share this:

6 Comments