Rafsanjani wabaye Perezida wa Iran yitabye Imana

Ali Akbar Hashemi Rafsanjani wabaye Perezida wa Iran hagati y’umwaka wa 1989 n’uwa 1997, yitabye Imana muri iki cyumweru afite imyaka 82.

Amakuru aravuga ko Rafsanjani yari arwaye umutima ari nawo ngo wamuhitanye.

Rafsanjani nyuma yo kuva ku butegetsi mu 1997, mu mwaka wa 2005 yongeye kwiyamamariza kuba Perezida wa Iran, gusa atsindwa na Mahmoud Ahmadinejad.

Nyuma yo gutsindwa yagiye ku ruhande rw’abatavuga rumwe na Leta ya Mahmoud Ahmadinejad wari wamutsinze, ndetse atangira no kujya amunengera muruhame, nk’uko BBC dukesha iyi nkuru ibivuga.

UM– USEKE.RW