Radio &Weasel bageze i Kigali baje muri KWIBOHOZA CONCERT

Ku mugoroba w’uyu munsi   nibwo abagize itsinda rya Goodlife aribo Radio na Weasel bari basesekaye ku kibuga cy’indege cya Kigali i kanombe .

Bakigera i Kanombe bakiriwe n’abanyamakuru benshi barangajwe imbere n’uwateguye igitaramo cyiswe Kwibohora Concert ariwe Muyoboke Alex.

Radio wagaragaje ibyishimo byinshi ubwo yabonaga uko yakiriwe yagiye mu modoka avuga ati: Abanyarwanda turaje twibohore mwitegure kuzabyina kakahava.”

Ejo hateganyijwe  ikiganiro n’abanyamakuru , nyuma aba bahanzi bakazajya gusura  Rwibutso rw’Abazize Jenoside muri 1994 Kigali ku Gisozi.

Biteganyijwe ko Radio na Weasel bazataramira abanyarwanda kuri uyu wa gatandatu ubwo munsi Abanyarwanda bazaba bibuka ku nshuro ya 21 ko  bibohoye ubutegetsi bw’igitugu.

Iki gitaramo bise Kwibohora Concert bazafatanya n’abahanzi bakunzwe mu Rwanda nka Urban Boys, Charly&Nina, Two4Real , na Bruce Melodie muri Serena Hotel.

Ku Cyumweru taliki ya 5 Nyakanga bakazataramira abakunzi babo mu mujyi wa Musanze kuri Stade ‘Ubworoherane’.

Mu mpera z’Icyumeru gishize Jose Chamelion na Baby Cool bari mu Rwanda. Chamelion yaje guhura na birantega bituma adakora igitaramo cye nk’uko yabyifuzaga. Uyu mugabo avukana na Weasel kwa Se ariko ntibahuje ba Nyina.

Iras Jalas

UM– USEKE.RW