Producer Bob yafunguwe by’agateganyo

Ndayambaje Emmanuel umwe mu ba Producer bakomeye mu Rwanda mu gukora indirimbo z’abahanzi batandukanye bakunzwe, amakuru agera k’Umuseke aravuga ko yafunguwe by’abagateganyo gusa akazajya akomeza kwitaba ubugenzacyaha.

Producer Bob yafashwe mu ijoro ryo ku tariki ya 28 Kanama 2016 ashinjwa gukubita umukobwa amuziza kwanga ko baryamana nk’uko byavugwaga n’uwo mukobwa.

Uyu mukobwa ngo yaratabaje, abashinzwe umutekano basanga koko Producer Bob n’uwo mukobwa bari kumwe muri studio isanzwe ikorere muri etage ya kabiri yo kwa Ndamage mu ijoro ryo kuwa 28 Kanama.

Byari biteganyijwe ko agomba kwitaba urukiko kuri uyu wa gatatu tariki ya 7 Nzeri 2016, urwo rubanza rwabaye.

Producer Bob yamererwa n’urukiko kurekurwa by’agateganyo akajya yitaba ari hanze.

Kugeza ubu telephone ye igendanwa ntiri kumurongo. Gusa umwe mu nshuti ze waganiriye n’Umuseke avuga ko aherukana na Bob ejo ari kumwe n’umwunganizi we hari ibyo bari kuzuza ngo arekurwe.

Bob asanzwe akorana n’abahanzi nka Jules Sentore, Buravan, Umutare Gaby n’amakorali atandukanye yo mu gihugu.

Yari amaze n’iminsi ari gukorana n’itsinda rya Active byavugwaga ko naryo rishobora kujya rikorana nawe bya buri gihe.

Joel Rutaganda
UM– USEKE.RW