Police iri guhugurwa ku kurwanya ibyaha mu ikoranabuhanga

Kuva kuri uyu wa gatatu, impuguke z’abongereza ziturutse muri Kaminuza ya Teesside ziri guhugura abapolisi 30 ku bijyanye n’ubugenzacyaha ku byaha bikoreshejwe ikoranabuhanga.

Inspector wa Polisi y’u Rwanda General Emmanuel GASANA yatangaje ko ibyaha byifashishije ikoranabuhanga bimaze kuba byinshi mu gihugu cyacu, Polisi y’u Rwanda ikaba yahuraga n’ikibazo cy’ubumenyingiro mu kubikumira no gutahura ababikora.

Aba bapolisi bakaba bari guhugurwa ku bufatanye na Leta y’Ububiligi, ambasaderi w’Ububiligi mu Rwanda Marc Pecsteen yibukije abari guhugurwa ko bazagirirwa ikizere mu gihe bubahirije  inshingano zabo neza hakurikijwe amategeko mpuzamahanga y’umutekano.

Umuvugizi igipolisi cy’u Rwanda  spt Theos BADEGE  yavuze ko hari ibyaha byinshi byakorwaga ariko kubikorera amadossier bikagorana kubera ubumenyi kuri bene ibyo byaha.

Spt Badege yibukije ko abagenzacyaha atari abantu bateye ubwoba, ahubwo abantu bakwiye kubegera kugirango babagezeho ibibazo bahura nabyo. Ati:” twifuza ko abanyarwanda batugana kuko polisi ibereyeho kubashakira ibisubizo”

Amahugurwa azamara ibyumweru bitatu, harahugurwa n’abapolisi bo ku rwego rwo hasi bamwe mu karere ka Bugesera ndetse no mu karere ka Musanze.

Daddy SADIKI RUBANGURA
UM– USEKE.COM