Police FC yategeye ibuhumbi 300 buri mukinnyi nibasezerera Rayon

Kuri uyu wa gatatu hateganyijwe imikino wo kwishyura wa 1/4 cy’igikombe cy’Amahoro. Police FC irasura Rayon Sports ishaka kuyitsinda ikinyuranyo cy’ibitego bitatu kuko yatsindiwe mu rugo 2-0 mu mukino ubanza. Amakuru atugeraho aremeza ko ubuyobozi bw’iyi kipe bwategeye abakinnyi bayo agahimbazamusyi k’ibihumbi 300 frw buri mukinnyi.

Kuri stade Regional ya Kigali kuri uyu wa gatatu tariki 21 Kamena 2017 harabera umukino uhuza amakipe yatwaye ibikombe bibiri by’amahoro biheruka. Police FC igiheruka 2015 yifuza kukisubiza uyu mwaka.

Kubigeraho birayisaba gusezerera Rayon sports nubwo bitoroshye.

Ibitego 2-0 bya Rayon Sports byatsinzwe Nahimana Shasir na Nzayisenga Jean d’Amour Mayor nibyo byongereye akazi ka Police FC mu mukino wo kwishyura, ubu isabwa gutsinda bibiri ikanashyiramo ikinyuranyo.

Police FC iracyabona gusezerera Rayon kuri iki kiciro bishoboka nkuko umutoza wayo Seninga Innocent yabibwiye abanyamakuru.

“Tuzajya mu mukino tuzi ko nta kindi dushaka kitari intsinzi. Twakosoye amakosa twakoze kandi twize amayeri mashya y’umukino. Uko badutsinze ibitego bibiri niko natwe twabyinjiza si igitangaza. Kandi Police FC ni ikipe isanganywe ubushobozi bwo kwinjiza ibitego birenze kimwe.”

Nyuma yo gutanga ikizere ku bayobozi ba Police FC, hashyizweho agahimbazamusyi gahanitse.

Amakuru agera ku Umuseke yemeza ko buri mukinnyi wa Police FC uza kujya muri 18 bakoreshwa yemerewe ibihumbi 300frw nibasezerera Rayon.

Barahatanira igikombe cy’Amahoro gifitwe na Rayon sports yagitwaye umwaka ushize 2016. Baranahatanira itike yo guhagararira u Rwanda muri CAF Confederation Cup y’umwaka utaha.

Imikino yo kwishyura ya ¼:

Kuwa gatatu

• Rayon Sports vs Police FC
• Espoir FC vs Marines FC

Kuwa kane

• APR FC vs Bugesera FC
• AS Kigali vs Amagaju FC

Photos/R.Ngabo/Umuseke

Roben NGABO
UM– USEKE.RW