Peace Cup: Police FC yavanyemo APR FC, Final izakina na Rayon

Jean Pierre Nizeyimana
07/01/2015

Abakinnyi ba Police FC bishimira intsinzi yabo kuri APR

Mu mukino wahuzaga APR FC na Police wabereye kuri Stade ya Kicukiro urangiye Police inganyije na APR FC bihita biyiha amahirwe yo gukomeza ku mukino wa nyuma uzabahuza na Rayon Sport uzaba kuri uyu wa gatandatu, taliki ya 04, Nyakanga 2015.

Umukino watangiye amakipe yombi ari kwigana, APR FC niyo yari ifite igitutu kuko yanganyije (1 – 1) umukino ubanza yari yakiriye.

Igice cya mbere cyarangiye ari ubusa ku busa ku makipe yombi.

Mu gice cya kabiri, APR FC yagerageje gusatira ngo irebe ko yatsinda igitego cyatuma isezerera Police ariko bikomeza kwanga.

Abakinnyi ba Police FC bamaze kubona ko iminota igenda irangira, bafashe gahunda yo kugarira ntihagire ugera mu rubuga rw’amahina.

Umukino waje kurangira ari ubusa ku busa, Police FC ihita ibona itike izatuma ikina na Rayon Sports yo yatsinze Isonga ikinyuranyo cy’ibitego 6 – 1.

Umukino wa nyuma uteganyijwe ku wa gatandatu tariki ya kane Nyakanga. Ikipe izegukana iki gikombe izahagararira u Rwanda mu marushanwa ya CAF Confederation Cup.

Abafana bari benshi kuri uyu mukino baje kureba amaherezo ya APR na Police FC

Mu minota ya nyuma y'umukino abakinnyi ba Police byabasabye n'andi mayeri ngo iminota yicume — Mu minota ya nyuma y’umukino abakinnyi ba Police byabasabye n’andi mayeri ngo iminota yicume

UM– USEKE.RW

9 Comments

kakoko says:
07/01/2015 at 17:35

ahuuu..!!!!! murakoze kurugezaho iyi nkuru nZiza….. ndaye neza….murote Imana

Apr forever. says:
07/01/2015 at 18:32

Yewe gakoko weeee iyo ntabwo ari intsinzi wakwishimira gusa mbabajwe nukuntu police igiye kuzabasebya nokubatera agahinda. bravo kuri police.
- akana says:
  07/02/2015 at 06:00
  
  mbega byiza police oyeeeeeeeeeeeeeeeeeeeeeeeeeee udukosoreye muteteri

HARERIMANA J.PIERRE says:
07/01/2015 at 22:43

OK!GIKUNDIRO NAHAWE

samson beni says:
07/02/2015 at 05:17

Police oyeee! N ‘igikombe twizereko tuzagitwara! Turakwemera cyane pilice fc!

tini says:
07/02/2015 at 05:20

Ikipe ya Police Fc ndabona aricyo gihe nayo ngo ibe yabasha kwegukana kimwe mu bikmbe bikomeye hano mu rwanda kubera yaragishatse saana kandi Gasenyi ntabwo ikanganye idafite Fuad ni nka Brazil idafite Neymal cgwa Chelsea without Hazard ni icyuho gikomeye nizereko abahungu ba Gasana bazitwara neza

akana says:
07/02/2015 at 06:02

urakoze police we kudukosorera muteteri

jshjj says:
07/02/2015 at 07:05

Ugirango se twashimishijwe n’uko Police Fc itsinze? Oya twanezerejwe n’uko igikona gipfutse amababa!

Florence says:
07/03/2015 at 09:11

Jye numvaga ko bari buhindure amategeko bakemez ko ama ekipe yanganije, ibintu bigenda bihinduka kabisa, reka dutegereze n’bindi bizaza.

Comments are closed.

Share this:

9 Comments