10 bazitabira irushanwa rya PGGSS 6 bamenyekanye

Icyo gikorwa cyo gutoranya abahanzi 10 bagomba kwitabira irushanwa rya Primus Guma Guma Super Star6, bigoranye cyane haje gutangazwa abahanzi bagomba kwitabira iryo rushanwa.

Ni nyuma y’igihe kirekire cyabanje gucaho hasobanurwa zimwe mu mpinduka zagaragaye muri iri rushanwa ndetse n’ibyo umuhanzi ugomba kuryitabira agomba kuba yujuje.

Mu gutora aba bahanzi, abanyamakuru bashyizwe ku ruhande rumwe, naho AbaDjz n’abatunganya indirimbo (Producers) nabo bajya ku ruhande rwabo.

Maze buri tsinda risabwa gutora abahanzi 15 ba mbere, ariko by’umwihariko buri tsinda risabwa kugaragaza abakobwa babiri mu bahanzi 10 ba mbere.

Abahanzi baje kuri uru rutonde bwa mbere byagaragaraga ko bashyigikiwe cyane, ni Umutare Gaby ndetse n’itsinda rya TBB ribarizwamo Tino,Bob na Benjamin.

 Dore impinduka ziri mu irushawa rya PGGSS6

Iri rushanwa ubu rizaba ririmo ibitaramo umunani bizabera bikurikiranye,Gicumbi (14/05), Karongi (21/05), Nyamirambo(04/06) Ngoma (18/06) Huye (02/07) Musanze (16/07) Rubavu (30/07) Na Finale i Kigali tariki 13/08/2016.

Ibi bitaramo bizaba bigizwe n’ibitaramo bya LIVE Music bitandatu na bibiri gusa bya Semi-Live nk’uko byatangajwe mu kiganiro n’abanyamakuru kuri uyu wa kane. Umwaka ushize hari habaye ibitaramo 15 harimo ibitaramo bine bya LIVE.

Abahanzi 10 bagomba kuzitabira irushanwa rya Primus Guma Guma Super Star6.

1.Bruce Melody

2.Jules Sentore

3.Urban boys

4.Christopher

5.Allioni

6.Dany Vumbi

7.Dany Nanone

8.Gaby Umutare

9.Teta Diana

10.TBB.

 Joel Rutaganda

UM– USEKE.RW