Nta 100m ndatera, mbonye ko u Rwanda rwahindutse- Kitoko

Joel Rutaganda
07/12/2017

Saa ine n’igice {22h30’} zo mu ijoro ryo kuri uyu wa gatatu, nibwo Kitoko yari ageze i Kigali. Yasanganiwe n’abantu benshi barimo inshuti, umuryango we n’abahanyamuzika bamwe na bamwe.

Massamba yavugaga ubushuti bwe na Kitoko. Dj Bissoso nawe ati ifoto sinayitangwa

Kitoko Bibarwa yaherukaga mu Rwanda muri Werurwe 2013, akigera i Kanombe yatangajwe n’uburyo ibintu byose uko byahindutse. Avuga ko afite amatsiko y’ahandi ataragera.

Muri abo bantu baje kumwakira hari higanjemo abo mu muryango we, inshuti, ndetse n’itangazamakuru.

Ijambo yavuze atarabazwa ikibazo na kimwe yagize ati “Nta metero 100 ndatera, mbonye ko u Rwanda rwahindutse ku buryo butangaje. Ibi biranyereka uko ahandi mu ntara hameze”.

Kuba agarutse mu Rwanda mu bitaramo byo kwamamaza Perezida, ngo n’ikintu afata nk’umugisha kuri we kuko hari abandi benshi batabonye ayo mahirwe.

Massamba Intore wari mu baje kwakira Kitoko, yabwiye itangazamakuru ko mu buzima busanzwe butari mu muziki basanzwe ari n’inshuti. Ko anakunda ibihangano bye by’umwihariko.

Na Kitoko avuga ko Massamba ariwe nshuti ye yamusuye ku ishuri aho yiga, ndetse ari nawe ukunda kumubaza kenshi uburyo abayeho.

Ku bijyanye nuko abona umuziki w’u Rwanda mu myaka ine yari ishize atari mu Rwanda, yavuze ko iterambere ry’igihugu rijyana na buri kimwe. Ko n’umuziki aho ugeze hashimishije.

Biteganyijwe ko azatangira ibitaramo byo kwamamaza umukandida wa RPF Inkotanyi guhera kuwa gatanu tariki ya 14 Nyakanga 2017.

Abantu bari benshi cyane baje kwakira uyu muhanzi

Uyu musore muremure ni murumuna we. Abatari bamuzi batangajwe n’uburyo basa nubwo amusumba

Izi ni imodoka zaje gufata Kitoko. Imwe yayigiyemo indi ijyamo abashinzwe umutekano we

Photos © Evode Mugunga

Joel Rutaganda
UM– USEKE.RW

11 Comments

isake says:
07/13/2017 at 04:30

Welcome back kitoko

F says:
07/13/2017 at 07:43

Kigali yo yarahindutse ariko Kigali si u Rwanda
- qween says:
  07/13/2017 at 09:17
  
  uri feke kabisa rka wiyandike F

Umusazamzee says:
07/13/2017 at 08:14

Asyeeee!Umutekano we????? Ariko ye. Anyway, turamukunda

MZB says:
07/13/2017 at 08:23

kitoko urakazaneza Mu Rdanda Turagukunda kandi twari tugukumbuye cyaneeeeeee

MZB says:
07/13/2017 at 08:26

kitoko urakazaneza Mu Rwanda Turagukunda kandi twari tugukumbuye cyaneeeeeee

Thierry says:
07/13/2017 at 11:13

wlkm back twari tugukumbuye kuri stage yo mu rwanda

musabyiman apascal says:
07/13/2017 at 13:11

naze dufatanye kwamamaza umukandida wacu paul kagame maze twubake urwanda twifuza

eva says:
07/13/2017 at 14:51

Abashinzwe umutekano w’Iki?Ntibagakabye

uwipau says:
07/13/2017 at 15:20

Ngo umuki we? Yasimbuye Diane Rwigara se mubigira ibanga!?!?

Ben Theo says:
07/14/2017 at 08:28

koya kulamu Kitoko. Mboka na yo elingi yolokola na yo olingi ye. (Bienvenu Kitoko. Ton pays t’aime comme toi aussi tu l’aimes).koya tosungi kwa construire mboka na biso (viens por que nous construisions ensemble notre pays)

Comments are closed.

Share this:

11 Comments