“Nta gitaramo cy’umuhanzi w’umunyamahanga kirinjirirwa ubuntu”- Safi (Urban Boys)
Safi Madiba umuhanzi wo mu itsinda rya Urban Boys
Mu gitaramo giherutse kuba cya East African Party kitabiriwe n’abantu benshi cyarimo umuhanzi wo muri Jamaica witwa Konshens, Safi Madiba wo mu itsinda rya Urban Boys avuga ko ubwitabire bwatewe nuko icyo gitaramo cyarimo umunyamahanga.
Ni nyuma y’aho muri icyo gitaramo bamwe mu bakunzi ba muzika nyarwanda bongeye kwibaza impamvu nta muhanzi nyarwanda urakorera igitaramo ahantu nka hariya ngo yinjize abantu benshi.
Niyibikora Safi ubu witwa Madiba, yasobanuye ko imwe mu mpamvu ituma ibitaramo nka biriya byitabirwa cyane ari uko haba hari umuhanzi w’umunyamahanga kandi bisaba kwishyura ngo umubone.
Mu kiganiro na Umuseke, Safi Madiba avuga abantu bamaze kumenyera ibitaramo by’ubuntu ku buryo nta gitaramo cyo kwishyuza uri umuhanzi nyarwanda wakorera muri Stade ngo harire uza.
Yagize ati “Abantu bakwiye gutandukanya ibintu. Niba uri umuhanzi nyarwanda ugakora ibitaramo abantu baza kukurebera ubuntu ninde uzishyura nuramuka ukoze icyo kwishyuza?
Impamvu rero ibitaramo nka biriya bikunze kwitabirwa, ni uko haba haje abahanzi b’abanyamahanga kandi umuntu aba atazongera kubona mu minsi ya vuba.
Bityo rero umunsi ibitaramo by’ubuntu byashize nibwo umuhanzi azongera kuzuza Stade cyangwa se ahantu hose habera ibitaramo mu Rwanda”.
Uretse ibitaramo by’abahanzi baba baturutse hanze bikitabirwa cyane, ibindi bitaramo bikunze kwitabirwa n’ibitaramo by’irushanwa rya Primus Guma Guma Super Star ariko byo bikinjirirwa ubuntu.
Joel Rutaganda
UM– USEKE.RW
English
6 Comments
Safi tu déconnes.Icya mbere ni qualité y’ibyo uba wateguye.Ko twuzura muri Serena na za CLA iyo umu gospel artist afite igitaramo kandi twirirwana mu nsengero?Nta mu star muri Africa no kw’isi utajta witabira ibitaramo by’ubuntu ariko ntibimubuza gutegura neza icye bwitwe kandi abaturage bakuzura.Ingero ni nyinshi.None se kujya kuririmbira mu tubare ni nde uba yishyuye ticket?Shaka ibindi usobanura.
Ibyo Safi avuga ntabwo ari ukuri. Ucyo abantu baba bashaka ni quality nziza nta kindi. Muzacurange neza mutandukane na CD maze muzarebe ngo turaza kandi tukishyura. None se KO mbona aho Impala zacurangiye abantu baba buzuye kandi bishyuye ntaba ari mû Rwanda?
Muzareke gukora playback murebe ko abantu bataza kubwinshi,none se mubwira abantu Ngo ni concert mwarangiza mugashyira mwo cd ni ukuvuga ko muba mutateguye ibitaramo byanyu
abahanz nyarwnda nidanj nawe c baravug ngo kwinjir ngo ni 15h sa 22h akaba aribw gitangir afish bujujeho abahanz ugasang haj mbarwa njye mbona impamv bititabirwa aruk batarya baba serious ibint byabo bihora ari bimw
Lucky Dube, Koffi Olomide, Brenda Fassie
Safi is a comedian..lol how do you expect rwandans to spend their money to come see you doing playback? what about time managememt?quality of your work? its a give–take deal. give them quality then they will pay.. simple as that
Comments are closed.