“Nizzo ni umuririmbyi mwiza ariko utajya mu ndirimbo zanjye”- Dj Zizou

Iradukunda Zizou uzwi nka Al Pacino ni umwe mu ba DJs bakunze guhuriza abahanzi benshi mu ndirimbo imwe. Avuga ko impamvu atajya ashyira Nizzo mu ndirimbo ze atari uko ari umuswa ahubwo ko hari aho aba adakenewe cyane.

Zimwe mu ndirimbo Dj Zizou yagiye akora zigakundwa cyane wavuga nka ‘Niko nabaye, Fata Fata, Bagupfusha ubusa’ n’izindi. Izo ndirimbo zose rero uretse ‘Fat Fata’ hakaba ntaho Nizzo aririmba mu zindi ndirimbo za Zizou uretse kugaragara rimwe na rimwe mu mashusho.

Mu kiganiro na Umuseke, Dj Zizou yavuze ko bikunda kutamworohera cyane gukoresha Nizzo mu ndirimbo ze nyinshi kubera ko Safi baririmbana muri Urban Boys nawe aba arimo.

Yagize ati “Urban Boys twagiye dukorana imishinga myinshi yerekeranye na muzika. Ariko Nizzo akenshi hari igihe bingora kumushyira mu ndirimbo zose kubera ko na Safi aba azirimo.

Bityo rero abantu bavuga ko nshobora kuba ntumvikana na Nizzo sibyo kuko ni inshuti yanjye ahubwo biterwa n’akazi”.

Kuri ubu mu ndirimbo nshya iri hanze yise ‘Vuba Vuba’, nayo ntabwo uyu muhanzi yumvikanamo mu gihe bagenzi be bumvikana cyane.

Iyo ndirimbo yahurijemo abahanzi bakomeye mu Rwanda barimo Riderman, Christopher, Knowless, Urban Boys na Dany Vumbi yongeye guteza urujijo ku rukundo rwa Safi na Knwoless aba bakaba barigeze gukundanaho.

[youtube url=”https://www.youtube.com/watch?v=dowvw0ZjNdY” width=”560″ height=”315″]

 Iras Jalas

UM– USEKE.RW