Nigeria: Umunyeshuri ushaje kuruta abandi ku Isi yitabye Imana atayarangije
Mohammud Modibbo ubwo yafitorwaga ari kumwe na Mwalimu we ku ishuri mu mujyi wa Kano
Umukambwe wafatwaga nk’umunyeshuri ushaje kuruta abandi yitabye Imana ku myaka 94 y’amavuko nk’uko byatangajwe n’abo mu muryango we.
Mohammud Modibbo ntiyabashije kwiga akiri umwana kuko icyo gihe yirirwaga azenguruka igihugu cye akora ubucuruzi.
Yafashe icyemezo cyo kujya gutangira amashuri abanza afite imyaka 80, ubu yari umunyeshuri mu yisumbuye mu mujyi wa Kano uri mu Majyaruguru ya Nigeria.
Mwalimu we, Abdulkarim Ibrahim, avuga ko uyu musaza Modibbo yari umuntu ukurikira kandi ushimishije.
Yagize ati “Mu gihe cyo ku ishuri, yakurikiraga cyane, akabaza ibibazo igihe atumvise ibintu, akaba mwalimu cyangwa akabaza abanyeshuri bicaranye.”
Uyu mukambwe Modibbo ngo yari afite inzozi zo kuziga Kaminuza akayirangiza ‘none agiye atayarangije’ avukijwe ayo mahirwe, nk’uko Mwalimu we yabitangaje.
Mbere byavuzwe ko uyu mukambwe yari afite imyaka 83, ariko umuryango we watangaje ko yitabye Imana afite imyaka 94.
Mzee Modibbo yari umuyoboke w’idini ya Islam, ndetse yanigaga ku ishuri ry’iryo dini aho yicaranaga n’abana abereye sekuru cyangwa sekuruza, nk’uko umunyamakuru Will Ross wa BBC yabitangaje.
Abanyeshuri bagenzi be n’abalimu bamwigishije ngo bari mu gahinda gakomeye nyuma yo kubura umunyeshuri wari ufite umuhate.
Ngo yakundaga kubabwira ati “Nta kidashoboka”.
Igitabo Guinness de Records cyandikwamo udushya n’inkuru zidasanzwe, kivuga ko umunyeshuri wize amashuri abanza akuze cyane ari Kamani Maruge wo muri Kenya akaba afite imyaka 84.
Uyu na we yitabye Imana hashize imyaka itanu.
BBC
UM– USEKE.RW
English
8 Comments
Ubundi se yari mumaki ko abantu barengwa nabi. Ubundi se kuri iyi myaka yigaga ngo azagere kuki ko n’ubundi yari mu myaka itegereje kuva kw’isi. Guta igihe gusaaaaa. yashakaga gutera urwenya gusa. Yari imbura mukoro. Yashakaga ibyo ahugiraho bikamumara irungu, Ce n’était qu’un passe-temps pour lui et rien d’autre.
egoko muhe amahoro di,yabihisemo abishaka kandi akamaro kabyo niwe wari ukazi
Neemito ufite igikomere biragaragarira buri wese, ariko kuba Mohammud yari ashaje afite inyota yo kwiga kandi akabiharanira ntibiguha occasion yo kumuherekeresha amagambo y’umujinya nk’aho ari we wakubujije kugera ku byo yagezeho! N’iyo yaba passe temps ni yo yahisemo et c’est son droit!!! So igizayo umushiha na za frustrations zawe ureke umuzehe yiruhukire mu mahoro!!! Ibi binyibukije mu myaka ya 2000 itangira abantu benshi bitabiriye kwiga mu mashuri Supérieures Muri abo bantu harimo abatari baragize amahirwe yo kwiga bakiri bato kubera impamvu zinyuranye zitari zarabaturutseho, icyo gihe abo ba “Vieux” bahuriye n’aba “Jeunes” muri ayo mashuri kubera complexes aba jeunes bagize kubera ko abo ba vieux babarushaga kure batangira gukwiza imvugo ngo bazanywe kwiga no kugira ngo bazavuge muri discours bapfuye ko barangije Kaminuza iyi n’iyi!!! Uzakore ubushakashatsi niba ubishobora kuri ba Enstein n’abandi uzambwire imyaka bari bafite bagera ku bumenyi isi yose yagendeye ho! Neemito ntukihebe bigeze aho uvuga ubusa, ibyiza biri imbere
@neemito ariko se uwo mujinya wose nuwiki ku muntu witabye imana!?nuziko nu waguhemukiye iyo yitabye imana umuco utwigisha kubirengaho biratangaje kuntu uri kubivugana umujinya,niba se akiri umu jeune atarashoboye kwiga kubera ibibazo kandi yarabikundaga!abantu bajya kwiga kugirango ba jijuke nicyo cyambere icyo uzakora nicyo uzaba byo tubihitamo ariko ni Mana ikatugirira ubuntu,na myaka rero yo kujijuka ibaho igihe cyose ushatse kugira icyo umenya wakiga nubwo waba ushaje gute,uriya mu saza na ruhukire mu mahoro kandi twizere ko apfuye yiyejeje kugiranga amshuri ye azayakomereze mwijuru nta kibazo afite..ibihe byiza
icyo wifuje gukora mugihe icy,aricyo cyose gikore kibe gus,ari cyiza.uwo musaza asiz,amateka ndetse abandi bazamwigiraho.Wowe se uzasig,ayahe?
Wowe rwose urigutera amabuye uyu mukambwe ngo yari yarenzwe, cg ngo yataga umwanya,…ibyo uvugasibyo ahubwo nakugira inama yo kubanza ukajya utekereza mbere yo kuvuga,icyakubwira ibyo wowe ukora uriguta umwanya kdi ubizi wahita wiyanga,uretse uriya mukambwe we atataga umwanya kuko yakoraga igikorwa twese tuzi ko ari kiza kdi bikaba aribyo byamushimishaga,byongeyeho aha yerekanya agaciro gakomeye ko kwiga,atanga ingufu kubigaga batabifitiye umwete……kdi niba ujya unatekereza wongere wongere utekereze icyatumye ibinyamakuru bikomeye bimwandikaho
Yari muri loisir de fin de la vie. C qui est normal. Nawe yarazi ko adashaka diplome azakoresha.
mbega agahinda ubu nkuyu aseka uyu musaza wasanga yibeshyera ngo ariga
nonese abantu biga imyaka cyangwa amasomo?ahubwo kubera ukuntu umuntu
abayeho iyo yumvise uwagize igitekerezo cyiza kdi we cyaramunaniye amugirira
ishyari ariko ntibyari bikwiye
Comments are closed.