Mukura siyo yari kuyihagarika, Rayon YEGUKANYE SHAMPIYONA

Roben Ngabo
05/17/2017

Rayon sports yegukanye igikombe cya shampiyona 2017

Mukura VS yagerageje byose ariko itsindwa na Rayon sports 2-1 biyihesha igikombe cya shampiyona y’umwaka w’imikino 2016-2017.

Kuri stade regional ya Kigali kuri uyu wa gatatu tariki 17 niho harangiye umukino Rayon sports itsinzemo Mukura VS ibitego 2-1 byombi bya Moussa Camara. Byubatse amateka y’umutoza Masudi Djuma utwaye igikombe cya mbere cya shampiyona ari umutoza.

Iminota 13 ya mbere y’umukino yari ihagije ngo Rayon sports ifungure amazamu kuri coup franc yatewe na Kwizera Pierrot igera ku mutwe wa Moussa Camara ahindukiza Andre Mazimpaka urindira Mukura VS, n’igice cya mbere kirangira Yvan Jacky Minnaert adashoboy kwishyura.

Mu gice cya Kabiri Rayon sports yongeye gutangira neza. Yatsinze igitego cya kabiri ku munota wa 56 ku mupira yahawe na Nahimana Shasir. Nyuma y’umunota umwe gusa Mukura VS yabonye impozamarira ku gitego cyatsinzwe na Yussuf Habimana.

Byari ibirori by'akataraboneka — Byari ibirori by’akataraboneka

Abakinnyi 11 babanjemo muri Rayon sports

Abasifuzi bari bayobowe na Samuel Uwikunda

Abasore ba Masudi Djuma bitwaye neza mu mwaka wose w'imikino — Abasore ba Masudi Djuma bitwaye neza mu mwaka wose w’imikino

Abasore ba Rayon sports bakoranye imbaraga nyinshi

Abatoza bagejeje Rayon sports ku byishimo

Abayobozi ba Rayon sports bafashe ifoto y'urwibutso — Abayobozi ba Rayon sports bafashe ifoto y’urwibutso

Bishimira igikombe cya gatandatu nyuma ya Jenoside

Buri birori bisusurutswa n'agatama... Bakame yabimburiye abandi mu kumira — Buri birori bisusurutswa n’agatama… Bakame yabimburiye abandi mu kumira

Amafoto: Evode MUGUNGA/UM– USEKE

Roben NGABO

UM– USEKE

11 Comments

niyongabo says:
05/17/2017 at 18:26

Ese Gicumbi mwaba mwibuka igihe twigeze (rayon) kuba turusha umukeba ibitego byinshi, hanyuma mukitsindisha ibitego 9, tukabura igikombe. Iki gikombe gishobora kuzabereka ko ineza uyisanga imbere, duha Kiyovu Me2U, Gicumbi mucaho vuba vuba.
- makenga says:
  05/18/2017 at 09:44
  
  Ahubwo nib ari uko bimeze kubita imfubyi wiyibwiriza kurira kuko akebo kajya iwa mugarura ” the freind of our enemy is our enemyi too”. Gicumbi we hagarara ku maguru yombi usarure ibyo wabibye.

Iradukunda says:
05/17/2017 at 19:04

Umuseke muri abanyamakuru b’umwuga rwose.
Turanezerewe ku bwa Gikundiro yongeye kwihesha Icyubahiro ku nshuro ya Munani.

Iradukunda says:
05/17/2017 at 19:06

Umuse serious after 5Min inkuru nziza muyitugejejeho.

Dunga says:
05/17/2017 at 19:51

rayon iranshimishje cyaaaaaaaaneeeeeeee!!uyumwaka sinzawibagirwa mwampaye umunezero peeee!!! felicitations kuri Coach Masudi ukoze amateka. atarigera akorwa n’undi mukinnyi wa rayon kuva yabaho. abakinnyi mwese mbashimiye ubwitange mwagaragaje.

nshimiye is noel says:
05/17/2017 at 19:52

Amatora. Com
- Kalisa says:
  05/17/2017 at 20:32
  
  @ nshimiye
  
  Ubwo se nkawe wandika ibyo abantu bavugira mu mihanda no mu tubari wumva uri muntu ki?
  Uretse ko byaba amatora cyangwa ibindi igikombe cyatashye muri Rayon Sports abimanika babikore rwose!

RAYON SPORT says:
05/17/2017 at 19:54

RAYON NDAYIKUNDA IYABA NABISHOBORAGA NANGE NKISIGA AMARANGI

GIKUNDIRO. IKIPE Y’IMANA N’IYABANTU BOSE OYEEEEEEEEEEEE

Patrick Nishyirembere says:
05/18/2017 at 00:14

Mbabajwe nuriya mutoza wa Ntakigenda bazanye ngo ni MINAERT dore ko ntazi no kubyandika ubuse birukanye OKOKO kweli kubera iki? Ni ukuturya umutungo wacu gusa ama miliyoni ahembwa yagura abakinnyi benshi bo mu Rwanda atunzwe nubugambo gusa ntakazi ashoboye gusa niba Mukura ishaka kugumana ishema ryayo nimwirukane kabisa ni umuzungu kuruhu gusa naho kubikorwa ni zero.