MPAYIMANA yatanze ibyangombwa haburamo bine

Ange Eric Hatangimana
06/22/2017

*Mpayimana yabuze bine mu byangombwa asabwa bijyana na Kandidatire

Mpayimana Phillipe abaye uwa gatanu utanze ibyangombwa bye muri Komisiyo y’igihugu y’Amatora agaragaza ko ashaka kuzahatana nk’Umukandida mu Matora ya Perezida ategerejwe muri Kanama.

Mpayimana yashyikirizaga Perezida wa Komisiyo y’Amatora ibyangombwa bijyana no gutanga Kandidatire

Ari mu ivatiri y’umweru yo mu bwoko bwa Toyota Carina itariho icyapa cya Taxi, Mpayimana yasesekaye kuri Komisiyo Saa 11h00 ziburaho mike.

Mpayimana yabuze ibyemezo bine bya mbere mu bisabwa na Komisiyo y’Amatora kuko ntabyo yari afite, yavuze ko azabitanga.

Ibyo byemezo bine birimo icy’uko atafunzwe ni bura cyatanzw emu mezi atatu, icyemezo cy’amavuko, icy’ubwenegihugu, n’icy’uko umubyeyi we umwe afite ubwenegihugu bw’inkomoko.

Mpayimana avuga ko ibi byangombwa bibura biriho bitegurwa. Inyandiko ikubiyemo abamusinyiye yayitanze ariko avuga ko nk’urutonde rw’umugereza rw’abamusinyiye 600 rushobora kurara rubonetse uyu munsi.

Perezida wa NEC yakiriye Kandidatire ye.

Mu kiganiro ahaye itangazamakuru akimara gutanga kandidatire, Mpayimana Philippe avuze ko urugendo yanyuzemo ari ishuri rya Demokarasi kuko ngo mu gusinyisha yagiye ahura n’imbogamizi zishingiye ku bwisanzure bukiri buke.

Asaba Abanyarwanda kwikuramo imyumvire yo kumva ko bagomba gutora usanzwe ayobora.

Mpayimana ageze kuri Komisiyo y'Amatora asohoka mu modoka — Mpayimana ageze kuri Komisiyo y’Amatora asohoka mu modoka

Yakiriwe n'Umunyamabanga Nshingwabikorwa wa Komisiyo y'Amatora Charles Munyaneza — Yakiriwe n’Umunyamabanga Nshingwabikorwa wa Komisiyo y’Amatora Charles Munyaneza

Aha yari ategereje Perezida wa Komisiyo y'Amatora mu cyumba gitangirwamo kandidatire — Aha yari ategereje Perezida wa Komisiyo y’Amatora mu cyumba gitangirwamo kandidatire

Mpayimana ngo Kandidatire ye niyemerwa, avuga ko ibikorwa byo kwiyamamaza mu matora abyiteguye kuko ngo yateganyije amafaranga yo kubikora.

Mpayimana Philippe atanga bimwe mu byangombwa bijyana na Kandidatire

Perezida wa Komisiyo y'Amatora yarebaga ko ibyo asabye Mpayimana ari byo amuhaye akabisinyiho — Perezida wa Komisiyo y’Amatora yarebaga ko ibyo asabye Mpayimana ari byo amuhaye akabisinyiho

Mpayimana yabuze ibyangombwa bine mu byo yasabwaga gutanga

Avuye gutanga kandidatire n'abo bari kumwe yasohotse amwenyura — Avuye gutanga kandidatire n’abo bari kumwe yasohotse amwenyura

Yabwiye abanyamakuru ko kubona abamusinyira 600 byamugoye

Abanyamakuru baramubariza mu modoka yamuzanye

Ntiyigoye aza mu bimodoka bihenze, Toyota Carina yari ihagije kuri Mpayimana Philippe — Mpayimana Philippe yaje mu ivatiri ya Toyota

Amafoto@NIYONKURU/UM– USEKE

Martin NIYONKURU
UM– USEKE.RW

9 Comments

shishoza says:
06/22/2017 at 12:21

mukomeze mutange ibyangombwa kandi mube benshi maze tuzatore uwo dushaka.

c says:
06/22/2017 at 14:38

Iriya ntabwo ari Carina. Mukosore.

Rwigyenza says:
06/22/2017 at 15:49

Hhhhhhhh abanyamakuru murasetsa rwose, ngo “ntiyigoye aza mu bimodoka bihenze” ubwo bishatse kuvuga iki? Yaje mubyo afitiye ubushpbozi nyine, ese abandi bakandida bahageze mu “bimodoka bihenze” mwabagaye iki nshuti banyamakuru? Ubwo nanze kujya muri byinshi ariko iriya nteruro next time ntimuzayikoreshe mutazakora intare mu jisho kuko abakandida bagenda mu bimodoka bihenze ni benshi kandi harimo abataborohera babonye interuro nkaziriya, ntabwo nka HE yari kuza muri taxi nkuyu Mpayimana, agomba kuza mu modoka yiyubashye nubwo hari abayibonamo ikimodoka gihenze. Mpayimana uyu ni Barafinda mushya, nibakomeze bafindafinde (!Publish my comment100%).

Rwigyenza says:
06/22/2017 at 15:49

Hhhhhhhh abanyamakuru murasetsa rwose, ngo “ntiyigoye aza mu bimodoka bihenze” ubwo bishatse kuvuga iki? Yaje mubyo afitiye ubushobozi nyine, ese abandi bakandida bahageze mu “bimodoka bihenze” mwabagaye iki nshuti banyamakuru? Ubwo nanze kujya muri byinshi ariko iriya nteruro next time ntimuzayikoreshe mutazakora intare mu jisho kuko abakandida bagenda mu bimodoka bihenze ni benshi kandi harimo abataborohera babonye interuro nkaziriya, ntabwo nka HE yari kuza muri taxi nkuyu Mpayimana, agomba kuza mu modoka yiyubashye nubwo hari abayibonamo ikimodoka gihenze. Mpayimana uyu ni Barafinda mushya, nibakomeze bafindafinde (!Publish my comment100%).

Gisabo says:
06/22/2017 at 15:56

Uziko asetsa?!! None se arashaka ko dutora uwo tutazi ngo bigende gute??

Mibambwe says:
06/22/2017 at 17:17

Uyu niwe Barafinda bavuze. Ashatse yasubira France hakiri hare akajya kwicururiza injugu

Utuntu n utundi says:
06/23/2017 at 04:29

Ari gukora CV ye namwe ngo barafinda. Ntimubazi

rwema says:
06/23/2017 at 14:20

Mpayimana mu mwitege cyereka nibamufata amatora arangiye kuko
Kiriya gitabo yanditse apfobya jenoside yakorewe abatutsi
Akwiye gushyikirizwa sentare akabiryozwa nahubundi
Azaduca mumyanya yintoki .abafaransa bamutumye muzumva akabo.
Azajya yitwaza ko yigeze kwiyamamariza kuyobora urwanda bakamwiba
Amajwi .bizaba nki bya twagiramungu -rukokoma.
Sindagura ariko muzaba mumbwira.
- Maheru says:
  06/25/2017 at 10:11
  
  Nonese Rukokoma ntibayamwibye ndetse mubari muricyo gikorwa ubu bakaba bavuga ukobabikoze?

Comments are closed.

Share this:

9 Comments