Mount Kigali Hotel yahindutse Heartland Hotel…Nta mwana uzahabwa icumbi

*Imitangire ya serivisi na yo yahindutse: Nta mwana uzahabwa icyumba atari kumwe n’umubeyi,
*Serivisi ya Gym Tonic itari ihasanzwe na yo izahaboneka.

Umuyobozi wa Hotel Heartland yahoze yitwa Mount Kigali Hotel avuga ko nyuma yo kuvugurura ibikorwa by’iyi Hotel, hagiye gushyirwamo serivisi zitari zihasanzwe ndetse ko n’imitangire y’izari zihasanzwe yavuguruwe. Avuga ko iyi hotel itazigera yemerera icumbi umwana utari kumwe n’umubyeyi we.

Bisengimana uyobora iyi Hotel yiyemeje kuvugurura imikorere, avuga ko bagiye guhangana n’abashora abana mu busambanyi ndetse n’icuruzwa ry’abantu.

Avuga ko serivisi zatangirwaga muri iyi hotel ikitwa Mount Kigali hotel ari zo zikihatangirwa ariko ko hari izindi ziyongereyemo.

Uyu muyobozi uvuga ko uburyo serivisi zatangwagamo bwahindutse kuko umukiliya azajya aba ari umwami, avuga ko ibijyanye n’igikoni bagiye kubyitaho ku buryo ntawe uzavuga ko yabuze ifunguro riteguranye ubuhanga n’isuku.

Muri iyi hotel yiyemeje gushimisha abayigana, hazanashyirwamo serivisi zitari zihasanzwe nk’iyo kunonora imitsi no kubaka umubiri imenyerewe ku izina rya ‘Gym Tonic’.

Bisengimana avuga ko ko iyi hotel ifite ingamba zikomeye zo kurwanya ibikorwa byo gushora abana mu busambanyi ndetse no gucuruza abana. Aho ngo nta mwana uzajya uhabwa serivise atari kumwe n’ababyeyi be.

Ati “ dufite ingamba zo gukumira ibikorwa byo gushora abana mu busambanyi ndetse n’ubucuruzi bw’abantu.

Akomeza agira ati “Kuko hari imyaka igenderwaho  uje gushaka servise z’ibyumba tugusaba ibyangomba urumva kandi dufite igitabo twuzuzamo umwirondoro y’uwaka icyumba iyo atarageza imyaka y’ubukure atari kumwe n’umubyeyi we ntabwo twamwemera.”

Yatubwiye ko bafite izi ngamba mu rwego rwo gukumira ibikorwa byo gushora abana bato mu busambanyi aho abantu bakuru usanga bashuka utwana bakatujyana mu mahotel.

Abifuza amacumbi, aho gukorera ibirori nk’ubukwe; inama n’ibindi bihuza abantu benshi, igisubizo ni kuri Hotel Heartland kuko hari ibyumba mbera byombi (salle) binini n’ibito no mu busitani bwuzuye amahumbezi.

Abifuza kubaka umubiri no kunonora imtsi na bo ntibibagiranye kuko hari ‘Gym Tonic’ ifite ibikoresho by’ubwoko bwose, Saouna na massage n’aho abana bidagadurira nk’imyicungo n’ibindi bikinisho.

Ushinzwe imicungire muri iyi hotel, Mushongore Placide avuga ko avuga ko ntawe ukwiye gukangwa n’ibiciro kuko biri hasi ugereranyije n’ahandi hatangirwa serivisi nk’izihatangirwa.

Kudahenda kw’iyi hotel birigaragaza dore ko ifunguro ryaho rihera kuri 2 500 Frw kugeza kuri 5 000 Frw, naho icumbi ni uguhera kuri 10 000 Frw kugeza kuri 40 000 Frw.

Iyi Hotel iherereye I Nyamiramo, hafi y’ahitwa kuri ‘COSMOS’, ikaba  ifite ubushobozi bwo gucumbikira abantu 40, no kwakira abantu 1000 bakora inama cyangwa ubukwe bakanabagaburira.

Umukiliya ni umwami, hagere wirebere…

Callixte NDUWAYO
UM– USEKE.RW