Batandatu bahagarariye Intara y’Iburengerazuba muri MissRwanda 2017

Kuri uyu wa Gatandatu tariki ya 14 Mutarama 2017 hatangijwe igikorwa cyo gutoranya abakobwa bahatanira ikamba rya nyampinga w’u Rwanda 2017. Ku ikubitiro iki gikorwa cyatangiriye mu ntara y’Iburengerazuba mu karere ka Rubavu abakobwa batandatu bose uko bari biyamamaje bakaba batambutse.

Abo ni Caroline Umutoni, Uwineza Sandrine, Iradukunda Elsa, Shimwa Guelda,Hirwa Honorine na Umutoniwase Linda.

Aba bakobwa uko ari batandatu, bazahatanira iri kamba n’abandi bazagenda bahagararira izindi Ntara uko ari enye n’umujyi wa Kigali.

Ni ku nshuro ya gatandatu nyuma ya Jenoside yakorewe Abatutsi mu 1994 mu Rwanda haba iki gikorwa cyo gutoranya umukobwa uhiga abandi mu bwenge, uburangan n’umuco.

Muri izo nshuro, iri kamba ryegukanywe na Bahati Grace, Kayibanda Mutesi Aurore, Akiwacu Colombe, Kundwa Doriane na Mutesi Jolly ugifite iri kamba kugeza tariki ya 25 Gashyantare 2017.

Mu bantu batandukanye batuye aka Karere, bashimira Mutesi Jolly ku bikorwa bitandukanye yakoze muri aka karere birimo gusura abana b’i Wawa no gutanga amata mituelle de sante ku bantu 1000.

Kuri iki cyumweru tariki ya 15 Mutarama 2017 iki gikorwa kizakomereza mu mujyi wa Musanze mu ntara y’Amajyaruguru hatoranywa abazahagararira iyi ntara mu marushanwa ya MissRwanda 2017.

Photos © Mugunga Evode/UM– USEKE

Joel Rutaganda
UM– USEKE.RW