MissRwanda 2016: Ijonjora rya mbere mu Majyaruguru ryarangiye

Joel Rutaganda
01/09/2016

Aba nibo bakobwa 4 bashoboye gutambuka ari nabo bazahagararira Intara y’Amajyaruguru

Ku nshuro ya gatandatu mu Rwanda hatangiye igikorwa cyo gutoranywa Nyampinga (Miss) w’u Rwanda, uyu mwaka batoranya MissRwanda2016, abakobwa basaga 130 bo mu Ntara zose ndetse n’Umujyi wa Kigali nibo bamaze kwiyandikisha kuzahatanira uwo mwanya wa Nyampinga mu bakobwa beza mu Rwanda. Kuri uyu wa gatandatu ijonjora rya mbere ryabereye i Musanze.

Muri 17 bari bariyandikishije abujuje ibisabwa ni batanu gusa nibo bahatanye uyu munsi

Mu Karere ka Musanze mu Ntara y’Amajyaruguru niho iki gikorwa cyo gufungura iri rushanwa cyabereye. Nyampinga wari ufite ikamba rya 2015 Kundwa Doriane niho yaturutse.

Mu ijonjora rizakorwa ku rwego rwa buri Ntara n’Umujyi wa Kigali, abakobwa biyandikishije gupiganwa baratambuka akanama nkemurampaka kakabitegereza, bagera imbere umwe umwe akabazwa ibibazo bakareba ubushobozi bwe n’inyurabwenge ye.

Ubusanzwe buri Ntara igomba guhagararirwa n’abakobwa batanu, aha nubwo ari bo bari babonetse ntibyagombaga kubuza akanama nkemurampaka kureba niba bujuje ibisabwa.

Mu ibazwa bane nibo bagaragaje ubushobozi, umwe witwa Umutoniwabo Cynthia ntabwo yabashije gukomeza kuko atabonye amanota yegenwe mu gusubiza ibibazo babazwa. Gusa ngo afite amahirwe yo kuba yakomeza ariko yiyamamarije mu zindi Ntara.

Abazahagararira Intara y’Amajyaruguru mu marushanwa ya Miss Rwanda 2016 ni; Umuhoza Sharifa, Uwamahoro Solange, Mujyambere Sheilla na Habimana Umutoni Pascaline.

Mu mwaka wa 2009 ubwo iryo rushanwa ryatangiraga, ryegukanywe na Bahati Grace.

Mu mwaka wa 2010 na 2011 ntabwo iri rushanwa ryabaye ahubwo ryakomeje mu 2012 ari nabwo ryegukanywe na Mutesi Kayibanda Aurore wanakomeje iryo kamba mu 2013.

Akiwacu Colombe yatorewe kuba MissRwanda mu 2014 naho 2015 Kundwa Doriane aba ari we utsinda, iki gikorwa kigishaka gushinga imizi no kuba ngarukamwaka buri gihe ubu kirakomeje, kiri gutegurwa na Rwanda Inspirational BackUp n’abafatanyabikorwa batandukanye barimo na Minisiteri y’umuco na siporo.

Umukobwa uzegukana iri kamba mu mwaka wa 2016, azahabwa imodoka ndetse n’umushara wa buri kwezi ungana na 800.000 frw y’u Rwanda.

Mbere yo kwiyerekana babanza gupima indeshyo

Habanza kurebwa ibiro hagati ya 45Kg na 70Kg

Rusaro Carine ari mu bagize akanama nkemurampaka — Rusaro Carine wigeze kuba Miss Campus muri Kaminuza y’u Rwanda ari mu bagize akanama nkemurampaka

Umunyamakuru Mike Karangwa umukempurampaka muri MissRwanda 2016

Mama Eminante ku nshuro ya mbere ari mu bagize akanama nkemurampaka — Eminante nawe umenyerewe mu biganiro kuri Radio ku nshuro ya mbere ari mu bagize akanama nkemurampaka

Uyu niwe mu bakobwa winjiye mu cyumba cy'ibazwa mbere — Pascaline niwe winjiye mu cyumba cy’ibazwa mbere ngo abazwe ibibazo bumve uko asubiza.

Umukobwa wa mbere winjiye mu cyumba cy'ibazwa — Aha yasubizaga ibibazo by’Akanama nkemurampaka

Abagize akanama nkemurampaka babaza ibibazo abakobwa

Umukobwa wa kabiri winjiye mu cyumba cy'inama — Umuhoza Sharifa winjiye mu cyumba kubazwa ari uwa kabiri

Yinjira guhura n'abakemurampaka — Yabyitwayemo neza cyane ndetse niwe watangajwe ko yarushije abandi amanota

Abakoba bose batanu bashoboye gutambuka muri 17 imbere y'abakemurampaka — Abakobwa batanu bashoboye gutambuka muri 17 bahatanye uyu munsi

Umwe mu bakobwa bashoboye gutambuka — Uwamahoro Solange umwe mu bashoboye gutambuka

Mu ngendo ya banyampinga agana aho abarizwa — Aratambuka agana aho abarizwa

Arabazwa icyo yakora aramutse abaye Nyampinga — Sheillah Mujyambere arabazwa icyo yakora aramutse abaye Nyampinga

Umwe mu bakobwa batambutse — Yatanganga ibisubizo byiza biza gutuma atambuka mu bazahagararira Amajyaruguru

Hano barri bahamagawe gutangazwa abatambutse

Aba nibo bakobwa 4 bashoboye gutambuka ari nabo bazahagararira Intara y'Amajyaruguru — Aba nibo bakobwa 4 bashoboye gutambuka ari nabo bazahagararira Intara y’Amajyaruguru, uhereye ibumoso ni; Solange Uwamahoro, Habimana Umutoni Pascaline, Sharifa Umuhoza na Sheillah Mujyambere

Yinjiye muri ubu buryo mu cyumba cy'ibarizwamo — Cyhnthia Umutoniwabo utabashije gukomeza yinjiye mu cyumba cyo kubarizwamo yifitiye ikizere

Uyu niwe mukobwa utashoboye gutambuka — Ndetse yasubizanyaga inseko nziza ariko ntiyabashije kubona amanota amwemerera gukomeza.

Ku itariki ya 10 Mutarama 2016 iki gikorwa biteganyijwe ko kizakomereza mu Ntara y’Uburengerazuba mu Karere ka Rubavu hatorwa amakobwa batanu bazahagararira iyi Ntara,

Joel Rutaganda

UM– USEKE.RW

15 Comments

Zizu says:
01/09/2016 at 15:59

Uyu mugore se atera amakofe ko ndora intoke zabaye nk’izabana bo ku Nkombo mu mpeshyi ?!
- Aphro says:
  01/10/2016 at 19:44
  
  lol

Mbabazi says:
01/09/2016 at 17:54

Mbega abantu kuki se bajonjoye umwe wenyine?

Mahoro says:
01/09/2016 at 18:08

Eminente rwose arabikwiye ahubwo bari baratinze kumushyiramo

here I am says:
01/09/2016 at 18:52

Eminante yariye mukorogo ntiyayisize pe mbega intoki.

kay says:
01/09/2016 at 18:52

hahahah mbega Mama Eminante yasize mukorogo iramwanga none ameze nk’abasudani

RUDAKANGWA says:
01/09/2016 at 20:19

MURI ABA BAKOBWA BITE KO NTA GASHYA MBONA MURIBO.
ALL THE BEST ANYWAY.

kayitesi says:
01/09/2016 at 21:04

Mudusobanurire di ! ” mukorogo ” bishatse kuvuga iki ?

junia says:
01/10/2016 at 02:02

keep it up guys abategura miss rwanda hari urwrego mumaze kuyigezaho kabisa.mukomereze aho tubari inyuma

rwa says:
01/10/2016 at 07:31

Ukecuru urya mukorogo kweri

kalisa olivier says:
01/10/2016 at 12:13

uwo mu miss mwakuyemo niwe ubikora sana afite sourire irenze

kalisa olivier says:
01/10/2016 at 12:14

uwo mwana niwe ubikora sana

joma says:
01/10/2016 at 14:11

Reka yambaye gants !

Rutare says:
01/10/2016 at 14:35

This is not Rwandan culture. Rwandan girls are not tourism products.

Kaze says:
01/10/2016 at 15:58

None se uriya mudamu ko yari yaje yambaye gants yaje avuye gukina mu izamu?

Comments are closed.

Share this:

15 Comments