Miss Rwanda arashima Sebamed yamutembereje mu Budage
Miss Rwanda na manager we Bruce Twagira bari kumwe na Yvonne Uwimana ushinzwe marketing ya Sebamed mu Rwanda bakiriwe na Larak Samir ushinzwe marketing ya Sebame muri Africa
Mu cyumweru gishize nibwo Doriane Kundwa Miss Rwanda 2015, yagarutse mu Rwanda avuye mu Budage mu ruzinduko yari yajyanywemo na Sebamed nka kimwe mu bihembo uru ruganda rutunganya amavuta yo kwisiga n’ibijyana nayo rwamwemereye ubwo yambikwaga ikamba mu ntangiriro za 2015.
Doriane yabwiye Umuseke ko yagize urugendo rwiza, yasuye ahantu henshi hatandukanye, yitabiriye n’amahugurwa yari agenewe abakozi ba Sebamed bari baturutse impande zitandukanye z’isi harimo no mu Rwanda.
Usibye gusura uruganda rwa Sebamed rukorera mu mujyiwa Boppard mu Ntara ya Renanie Palatinat, yasuye Inteko inshinga amategeko y’iyi Ntara, asura ambasade y’u Rwanda mu Budage ndetse anakirwa na mayor w’umujyi wa Boppard.
Ati “ Ndashimira cyane igihembo Sebamed yampaye, byanyongereye ‘connection’ n’abantu batandukanye dushobora kugira ibikorwa dukorana.”
Sebamed yahembye Miss Rwanda kumutembereza mu Budage ni uruganda rukora ‘cosmetic products’ z’abana n’abakuru. Rufite ikicaro mu Budage n’amashami mi bihugu byinshi ku isi. Ibicuruzwa byayo biboneka muri za pharmacies zitandukanye henshi mu Rwanda.
Joselyne UWASE
UM– USEKE.RW
English