Miss Rwanda 2017 arangije amashuri yisumbuye

Martin NIYONKURU
03/04/2017

Kicukiro – Ku mugoroba wo kuri uyu wa Gatandatu Miss Elsa Iradukunda umaze icyumweru kimwe yambitswe ikamba rwa Nyampinga w’u Rwanda wa 2017 (Miss Rwanda 2017) ari mu banyeshuri bakoze ibirori bisoza amashuri yisumbuye mu ishuri rya King David Academy riri mu murenge wa Nyarugunga.

Yakoze ibirori bisoza ayisumbuye na bagenzi be

Miss Rwanda yari yaherekejwe na bamwe mu nshuti ze n’ababyeyi be. Muri ibi birori byamuhuje n’abo barangirije rimwe, Miss Iradukunda yakiriwe neza na bagenzi bamurebaga nk’abafite amatsiko yo kugira byinshi bamubaza.

Abaye Miss Rwanda wa kabiri urangije muri iri shuri nyuma ya mugenzi we Miss Jolly Mutesi wari ufite iri kamba nka Nyampinga w’u Rwanda wa 2016 nawe wize muri iri shuri rya King David Academy.

Uyu mukobwa watsinze amarushanwa ya Nyampinga avuga ko azaharanira guteza imbere ibikorerwa mu Rwanda (made in Rwanda) arangije mu ishami rya HEL (Amateka,ubukungu n’ubuvanganzo).

Amashuri abanza yayigiye mu mujyi wa Kigali kuri Le petit Prince, ayisumbuye ikiciro rusange (Tronc Commun) akigira mu gihugu cya Uganda mu ishuri ryitwa International Window.

Miss Elsa w’imyaka 19 y’amavuko avuka mu muryango w’abana umunani akaba ari uwa kane. Yavukiye mu mujyi wa Kigali.

Bagenzi be barangirije rimwe bari bamwishimiye buri wese yifuza kugira icyo amubaza

Mugenzi we Jolly basimburanye kuri iri kamba bombi bize muri iri shuri rya King David Academy

UM– USEKE.RW

10 Comments

eto says:
03/05/2017 at 08:11

Ni byiza ariko ntiyarakwiye kujyana ikamba yabonye muri graduation kuki aribintu bibiri bihabanye? Ese ubundi yagize amanota angahe? Muzacukumbure neza merebe impamvu iryo shuli ryagize aba miss babiri bikurikiranye. Afite iminwa itajyanye no kuba nyampinga abo nibo badusebya iyo basurukiye igihugu bakaba mu ba nyuma
- citoyen says:
  03/05/2017 at 14:57
  
  Watubwira iminwa ijyanye no kuba nyampinga uko iba imeze? Uduhe n’ifoto y’iyawe ariko turebe.
- karabo says:
  03/06/2017 at 08:13
  
  umuntu ngo yabuze icyo anenga inka nziza ati dore icyo gicebe,,koko!!

GITWENGE says:
03/05/2017 at 18:34

ARIKO NARUMIWE KOKO!MWAGIYE MWEMERA!KO UTAGIYEYO SE NGO TUREBE IYAWE UKO ISA KWELI!

Ngaho says:
03/06/2017 at 00:52

???????????? citoyen uranyemeje kabisa.

pat says:
03/06/2017 at 08:09

Umwana yarabihataniye reka atsinde di !

miss says:
03/06/2017 at 08:39

ariko byo aho harimo tena ba miss babiri kukigo kimwe ni hatari pe ucunze wasanga bose ari nkabagande nibindi ntawamenya
- Hadji says:
  03/06/2017 at 08:57
  
  Abagande baza kwiyamamariza murwanda gute, ariko ubwo iryo tiku ryanyu rizabagezahe koko,sha abanyarwanda turacyafite ibibazo kabisa

karangwa says:
03/06/2017 at 08:48

Komeza imihigo Miss wacu.
Ndakwemera, urimwiza, urasobanutse ureke abarebera ubu miss kuminwa. hhhhhhhhh
King David nishuli ryiza cyane. Ryigisha abana kwigirira icyizere, ribafasha kugera kunshingano zabo. Nishuri ryigisha ikinyabupfura no kuba intyoza. Narangirije KD, Anet numubyeyi udasanzwe afasha abana bahiga kugira intengo ndamukunda.

dolcas says:
03/06/2017 at 09:19

itekinika riba hose mu rwanda no muri ba miss ntibyantangaza….kuba bose bize hamwe nabyo ni indicator y uko nyine hari abavukana imbuto mu Rwanda

Comments are closed.

Share this:

10 Comments