Miss Jolly yerekeje USA kuvuga k’ubukerarugendo bw’u Rwanda

Joel Rutaganda
09/01/2016

Yumvaga ibyo bamuhanura ari nako yirebera muri telephone ngo umunyamakuru atamufotora neza

Mutesi Jolly ufite ikamba rya Miss Rwanda 2016, kuri uyu wa kane yagiye muri Amerika mu imurikagurisha ryiswe ‘USA/AFRICA EXPO’ aho agomba kuvuga ku bukerarugendo mu Rwanda (Tourism in Rwanda) nka kimwe mu bihugu biri mu nzira y’iterambere muri Afurika.

Saa 14h00’ zo kuri uyu kane nibwo yageze ku kibuga cy’indege i Kanombe nyuma arahaguruka yerekeza i Los Angeles muri America ku i saa 16h00 z’umugoroba.

Ni Expo izasusurutswa n’abahanzi b’ibyamamamare bo muri Africa barimo Diamond Platnumz wo muri Tanzania na Sheeba ukomoka muri Uganda.

MissRwanda2016 yashyizwe ku rutonde rw’abazatanga ibiganiro ku bukerarugendo bwa Africa n’u Rwanda by’umwihariko. Ngo byavuye ku buhanga bamubonyeho mu gutanga imbwirwaruhame ku myaka ye.

Miss Rwanda avuga ko uzaba ari umwanya mwiza wo kwerekana byinshi ku iterambere rishingiye ku muco cyane mu bihugu bya Africa.

Aha agiye ngo azatemberezwa umujyi wa Los Angeles ndetse ngo azasura ‘Universal studio’.

Miss Rwanda azaba ari kumwe n’abandi ba Nyampinga baturutse mu bindi bihugu ariko b’imyaka yashize akaba ariwe nyampinga wenyine uzaba uriyo ufite ikamba ry’umwaka wa 2016.

Mbere y’uko ahaguruka, Miss Jolly yabwiye Umuseke ati “ Kuvuga k’u Rwanda ni ibintu buri munyarwanda yakora kuko ibyiza by’u Rwanda n’iterambere ryarwo nta ubishidikanya.

Burya biragoye kubona iterambere nawe uririmo. Ariko mu Rwanda uraryama wabyuka ugasanga hari intambwe nziza yatewe!!”.

Miss Jolly avuga ko ibyo aribyo azavugaho mur iyo Expo.

Avuga ko yifuza ko isi yose irushaho kumenya ko u Rwanda ari igihugu cyahindutse kandi cyahinduwe n’abanyarwanda ubwabo.

Jolly Mutesi biteganyijwe ko azagaruka tariki ya 07 Nzeri 2016 agatangira no kwitegura kujya muri Miss World izaba mu Ukuboza 2016.

Bifatiraga 'selfie' mu gihe amasaha yo kwinjira muri checking atari yagera — N’inshuti ze barifotora ‘selfie’ mu gihe amasaha yo kwinjira muri checking ataragera

Miss Jolly yaherekejwe n'abavandimwe be ndetse na Nyina — Miss Jolly yaherekejwe n’abavandimwe be ndetse na Nyina

Yumvaga ibyo bamuhanura ari nako yirebera muri telephone ngo umunyamakuru atamufotora neza — Araganira n’ababyeyi mbere gato yo kugenda ari nako anyuzamo akareba kuri telephone.

Yahoberanaga na Nyina wabo nawe amwifuriza urugendo rwiza — Yahoberanaga n’umwe mu bamushyigikira nawe amwifuriza urugendo rwiza

Photos@Mugunga Evode/UM– USEKE

Joel Rutaganda
UM– USEKE.RW

14 Comments

Musafiri says:
09/01/2016 at 17:39

Jolie ujyuhora ushimira Mike karangwa wakwibiye ikamba ntuzobagirwe aho yagukuye
- Irakoze says:
  09/01/2016 at 20:59
  
  Musafiri,Mike nawe ni amabwiriza nako amategeko aba yahawe ntumurenganye.lol

stev says:
09/01/2016 at 23:28

Uyu jolly yaritukuje pe peeee. urugendo ruhire

longman says:
09/02/2016 at 08:47

aliko miss bitebye nakaliya gapantalon atavamo, wagirango bakamudodeyeho? from monday to sunday!!!!! umenya gahishemo akabanga tutazi!!!!!

Simba Jean says:
09/02/2016 at 09:46

Mutubwire amasa bibera. Gusa ndahanyarukira nimugiroba kuko ntamasaha muvuze bibera.

nady says:
09/02/2016 at 10:14

uyu mwana yaritukuje cyane rwose.intoki zonyine zirabigaragaza.

Bgenge says:
09/02/2016 at 18:05

Ikiduhangayikishije cyane ni uko Miss wacu Jolly MUTESI adashyira uturaso ku mubiri. Gahunda ya Girinka nitabare uyu mwana abone amata ahagije yo kunywa turebe ko yagarura akabiri n’ibuno nkuko izindi nkumi zose zimera!
- gapepu says:
  09/03/2016 at 13:57
  
  Nagarura akabiri se azamera n’amabere ?!
  - Ida says:
    09/03/2016 at 19:55
    
    Oya kereka nahurirayo numuhungu.

mamy says:
09/03/2016 at 06:42

Mbega commentaire zuzuye ubuswa! Niho mugeza ntawabarenganya uko Miss asa n’uko angana bihuriye he nigikorwa agiyemo!courage Jolly uhagararire igihugu neza.

module says:
09/03/2016 at 20:06

oya rwose, igihugu cyacu cyabuze ibiryo? miss, oya! uko yambaye, uko angana, appearance ye ntabwo ari sawa.

bob says:
09/04/2016 at 03:39

keep it up young girl miss forever. umuco .ubuhanga ni ubwiza nibyo bimuranga

Kankindi says:
09/04/2016 at 07:05

Uyu mukobwa ngo wa RWabugili se utangiye gusoma 48 Laws of power akiri umwana aho tuzamukira natangira kuyashyira mu bikorwa, ntazatubera nka sekuruza !

jack says:
09/04/2016 at 11:20

komereza aho mwari wacu ureke abirirwa kwa minyoni bakarara beerfest.njye uyumwana arantangaza buri gihe .very organized

Comments are closed.

Share this:

14 Comments