Miss Jolly yahuye na Prof Romain Murenzi mu Bufaransa

Mutesi Jolly nyampinga w’u Rwanda 2016 yagiranye ikiganiro na Prof Romain Murenzi ukuriye Inama y’ikirenga ya Loni itanga ubujyanama mu mishinga y’ikoranabuhanga iteza imbere ibihugu bikiri mu nzira y’Amajyambere muri UNESCO.

Mu byo baganiriyeho, hari n’inama yagishije kuri gahunda yise ‘Agaciro kanjye Compaign’ arimo kugenda ageza ku banyarwanda batuye i Burayi.

Iyi gahunda yise ‘Agaciro kanjye campaign’, akaba yarayiganiriyeho n’abanyarwanda baba mu Budage ari naho yahereye aza gukomereza mu Bufaransa mu mujyi wa Paris na Lyon ari naho yahuriye na Prof Murenzi.

Izi ngendo akaba yarazitangiye tariki ya 17 Nzeri 2016 zihereye mu Budage mu mujyi wa Frankfurt aho yari afitanye ibiganiro n’abayobozi b’uruganda rukora amavuta n’ibindi bitandukanye rwitwa Seba Med.

Biteganyijwe ko uyu munsi akomereza izo ngendo mu Bubiligi akazaca no mu Buholandi, aho hose akazajya agenda ashishikariza abanyarwanda kurangwa no kumenya indangagaciro z’abanyarwanda.

Miss Jolly ni umwe mu bakobwa bazahatanira ikamba ry’umukobwa mwiza kuruta abandi ku isi muri Miss World 2016 muri Leta Zunze Ubumwe z’Amerika mu Ukuboza.

Joel Rutaganda

UM– USEKE.RW