Miss Jolly n’abo bahatanira ikamba rya MissWorld 2016 batemberejwe New York
Miss Jolly yarebaga umujyi wa New York wose uko uteye
Mu gihe habura iminsi 10 gusa ngo hamenyekane umukobwa uzahiga abandi mu buranga ku isi ‘MissWorld 2016’, Miss Jolly n’abo bahatanira iryo kamba batemberejwe tumwe mu duce twa leta ya New York.
Uru rugendo rukaba rwarabaye mu rwego rwo gufasha aba bakobwa kugenda bamenya bimwe mu bice bigeze iyo leta ari nako basobanurirwa amateka yaho.
Muri urwo rugendo bakoze, basuye ahitwa Statue Of Liberty, Bateaux New York, ndetse n’ishuri ry’umuziki ryitwa School of Rock The Musical.
Kugeza ubu, abakobwa bose baratekereza ku irushanwa rigomba kwegukanwa n’umukobwa umwe mu 117 barishaka.
Ku ruhande rwa Mutesi Jolly nyampinga w’u Rwanda, ngo nta kibazo na kimwe afite gishobora gutuma yitwara nabi akaba yatsindwa. Gusa ko abantu bakwiye kumenya ko ari mu irushanwa kandi atari we urishaka gusa.
Iri rushanwa biteganyijwe ko rizarangira tariki ya 18 Ukuboza 2016, ririmo kuba ku nshuro yaryo ya 66. Bikaba ubwa mbere u Rwanda ruryitabiriye.
Ushobora kuba wajya muri Google play ugashaka application ya MissWorld. Noneho ukayi downloading ubundi ukayifungure Jolly ukamushyire muri top 3 bawe, ukaba umufashije kugira amahirwe yo kwitwara neza.
Joel Rutaganda
UM– USEKE.RW
English