Miss Fanique yatangije irushanwa yise ‘Rwanda Amputee Football Championship’
Nyuma y’umukino yafashe ifoto y’urwibutso n’abakinnyi b’amakipe yombi
Isimbi Fanique igisonga cya kane cya nyampinga w’u Rwanda 2017, yatangije irushanwa yise ‘Rwanda Amputee Football Championship’ rizahuza abafite ubumuga bo mu ntara zose.
Uyu ni umwe mu mishanga yagaragaje ko azashyira mu bikorwa mu gitaramo njyarugamba cyabaye tariki ya 19 Gashyantare 2017. Mu isinywa ry’iyo mihigo Hon Bamporiki Eduard akaba ariwe wari umushyitsi mukuru.
Miss Fanique yavuze ko azakora umushinga wo guteza imbere no gukura mu bwigunge abafite ubumuga anabongerera ikizere.
Ku nshuro ya mbere akaba ahereye kuri iri rushanwa yise ‘Rwanda amputee football championship’ avuga ko rizagira uruhare rukomeye mu kwagura umubano w’abafite ubumuga bo mu ntara zitandukanye.
Mu mikino yabimburiye indi, ikaba ari iyahuje amakipe ya Gakenke,Musanze, Nyarugenge na Kigali FC. Iyo mikino yose ikaba yarabereye ku Kimisagara mu kibuga cya Primaire Esperance.
Ishimwe Dieudonnée umuyobozi wa Rwanda Inspiration Back Up itegura irushanwa rya MissRwanda, yavuze ko Miss Isimbi Fanique ariwe ubimburiye abandi.
Akomeza avuga ko atariwe ufite imishinga yamaze gutunganywa, ko Nyampinga w’u Rwanda 2017 Iradukunda Elsa afite ibikorwa bitandukanye agiye gukorera mu ntara y’Uburengerazuba mu gihe cy’icyumweru.
Joel Rutaganda
UM– USEKE.RW
English